కుర్ర తారల సమ్మర్ టూర్లు ఇవే

టాలీవుడ్ కుర్ర హీరోలు - హీరోయిన్లు హాలిడే స్పాట్స్ అంటే ఎగిరి గంతేసి మరీ వెళ్లిపోతుంటారు. ఇప్పుడు సమ్మర్ వచ్చేయడంతో.. అందరూ మరోసారి హాలిడే ప్లాన్స్ లో పడిపోయారు. మరి ఎవరెవరి ఫేవరేట్ హాలిడే స్పాట్స్ ఏమేంటో ఓసారి తెలుసుకుందాం.

రెజీనా రీసెంట్ గా యూఎస్ ట్రిప్ వేసొచ్చేసింది. అమ్మతో కలిసి అమెరికా వెళ్లొచ్చానని.. ఈ ఏడాది సమ్మర్ టూర్ అయిపోయినట్లే అంటోంది రెజీనా. ఇప్పటికే న్యూజిలాండ్ వెళ్లొచ్చిన హంసానందిని.. అమెరికా - ఇటలీ కూడా వెళ్లనుందట. షూటింగ్ బిజీలో కొంచెం గ్యాప్ వచ్చిందని.. ఈ లోగా శ్రీలంక చుట్టొచ్చేస్తా అంటోంది సంజన. మరో టాలీవుడ్ యంగ్ బ్యూటీ రాశి ఖన్నా అయితే.. పట్టాయా వెళ్లేందుకు ప్లాన్ చేసేసుకుంది. చార్మీ కౌర్ అయితే మాల్దీవ్స్ టూర్ పెట్టుకుంది.

సందీప్ కిషన్ అయితే.. మరో ముగ్గురు ఫ్రెండ్స్ తో కలిసి యూరోప్ ట్రిప్ వేయబోతున్నాడు. గతేడాది వెళ్లిన బ్రెజిల్ బాగా నచ్చడంతో ఈసారి కూడా అక్కడికే ప్లాన్ చేసుకున్నాడు నవదీప్. హైద్రాబాద్ హీట్ నుంచి తప్పించుకోవడానికి స్పోర్ట్ వెకేషన్ గా లండన్ వెళ్లనున్నాడు నిఖిల్. వీళ్లంతా ఫారిన్ టూర్స్ ప్లాన్ చేసుకున్నా. హీరో ఆది మాత్రం ఫ్యామిలీతో కలిసి ఊటీతో సరిపెట్టేస్తున్నాడు.