'ఆర్ ఆర్ ఆర్‌' కోసం హాలీవుడ్ స్టార్ ని దించేస్తున్నారా?

ఎట్ట‌కేల‌కు బిగ్ సినిమాల సంద‌డి మ‌ళ్లీ మొద‌లు కాబోతోంది. ప‌వ‌ర్ స్టార్ ప‌వ‌న్ క‌ల్యాణ్ - రానా తొలి సారి క‌లిసి న‌టించిన మాస్ మ‌సాలా యాక్ష‌న్ ఎంట‌ర్ టైన‌ర్ `భీమ్లా నాయ‌క్‌` తో బాక్సాఫీస్ పై భారీ చిత్రాల దండ‌యాత్ర కు రంగం సిద్ధ‌మైంది. మాట‌ల మాంత్రికుడు త్రివిక్ర‌మ్ అన్నీ తానై న‌డిపించిన ఈ ప్రాజెక్ట్ ఈ నెల 25న భారీ స్థాయిలో థియేట‌ర్ల‌లో సంద‌డికి రెడీ అయిపోయింది. ఈ మూవీ త‌రువాత వ‌రుస‌గా బ్లాక్ టు బ్యాక్ భారీ చిత్రాలు విడుద‌ల కాబోతున్నాయి.

ఈ మూవీ రిలీజ్ అయిన రెండు వారాల త‌రువాత రెండు బిగ్ స్టార్స్ పాన్ ఇండియా మూవీస్ ఆర్ ఆర్ ఆర్‌, రాధేశ్యామ్ థియేట‌ర్ల‌లో వ‌ర‌ల్డ్ వూడ్ గా సంద‌డి చేయ‌బోతున్నాయి. గ‌త కొంత కాలంగా ఈ మూవీస్ రిలీజ్ కోసం సినీ ప్రియుల‌తో పాటు ఫ్యాన్స్ భారీ స్థాయిలో ఎదురుచూస్తున్నారు. ఈ రెండు చిత్రాల్లో ముందుగా ప్ర‌భాస్ న‌టించిన `రాధేశ్యామ్` విడుద‌ల కాబోతోంది. ఈ చిత్రాన్ని మార్చి 11న వ‌రల్డ్ వైడ్ గా విడుద‌ల చేస్తున్నారు. ఈ మూవీ త‌రువాతే అంటే మార్చి 25న భారీ స్థాయిలో రాబోతోంది.

జ‌న‌వ‌రి 7న సంక్రాంతి కానుక‌గా రిలీజ్ చేయాల‌ని ముందు ప్లాన్ చేశారు. ప్ర‌మోష‌న్స్ కోసం ఏకంగా 20 కోట్లు ఖ‌ర్చు చేశారు. అయితే ఆ త‌రువాత మారిన ప‌రిస్థితులు.. ఒమిక్రాన్‌, కరోనా మ‌ళ్లీ థ‌ర్డ్ వేవ్ స్టార్ట్ కావ‌డంతో మేక‌ర్స్ ప్ర‌మోష‌న్స్ కోసం పెట్టిన ఖ‌ర్చంతా వృధా అయిపోయింది. చివ‌రి క్ష‌ణాల్లో రిలీజ్ వాయిదా ప‌డ‌టంతో ప్ర‌మోష‌న్స్ కి మేక‌ర్స్ ఫుల్ స్టాప్ పెట్టేశారు. తాజాగా ఈ మూవీ ఫైన‌ల్ రిలీజ్ డేట్ మార్చి 25 న ఫిక్స్ కావ‌డంతో మ‌ళ్లీ ప్ర‌మోష‌న్స్ కి రెడీ అయిపోతున్నారు.

మార్చి 1 నుంచి `ఆర్ ఆర్ ఆర్‌` ప్ర‌మోష‌న్స్ ని ప్రారంభించ‌బోతున్నారు. ఇందు కోసం రాజ‌మౌళి భారీ స్కెట్ ని సిద్ధం చేశార‌ని తెలిసింది. టీవీ ఇంట‌ర్వ్యూలు.. మీడియా ఇంట‌రాక్ష‌న్ లు మొద‌లు పెట్ట‌బోతున్నార‌ట‌. అంతే కాకుండా హైద‌రాబాద్ లో ఇంత వ‌ర‌కు ఈవెంట్ ని నిర్వ‌హించ‌ని మేక‌ర్స్ త్వ‌ర‌లోనే భారీ ఈవెంట్ ని ప్లాన్ చేస్తున్న‌ట్టుగా వార్త‌లు వినిపిస్తున్నాయి.

అంతే కాకుండా బూత‌ల స్వ‌ర్గం దుబాయ్ లో మార్చి 15న భారీ ఈవెంట్ ని ప్లాన్ చేస్తున్నార‌ట‌.

ఈ ఈవెంట్ కి చీఫ్ గెస్ట్ గా హాలీవుడ్ యాక్ష‌న్ హీరో టామ్ క్రూజ్ హాజ‌రు కానున్నార‌ని, మేక‌ర్స్ సినిమాకు వ‌ర‌ల్డ్ వైజ్ గా క్రేజ్ ని తీసుకురావాల‌న్న ప్లాన్ తో హాలీవుడ్ స్టార్ టామ్ క్రూజ్ ని ఛీఫ్ గెస్ట్ గా ఆహ్వానించ‌బోతున్నార‌ని తెలిసింది. దీనికి సంబంధించిన అధికారిక ప్ర‌క‌ట‌న త్వ‌ర‌లోనే రానున్న‌ట్టుగా ఇండ‌స్ట్రీ వ‌ర్గాలు చెబుతున్నాయి.