'తుఫాన్' రిలీజ్ డేట్ వచ్చేసింది.. ఎప్పుడంటే?

బాలీవుడ్ యాక్టర్ ఫర్హాన్ అక్తర్ గురించి సినీ ప్రేక్షకులకు ప్రత్యేక పరిచయం అవసరం లేదు. ఎందుకంటే ఫర్హాన్ ఆల్రెడీ ఒక నటుడు మాత్రమే కాదు మల్టీటాలెంటెడ్. ఇండస్ట్రీలో ఆయనకంటూ ప్రత్యేక గుర్తింపు తెచ్చుకున్నాడు. కెరీర్ లో నటుడుగా ఎన్నో హిట్స్ అందుకున్నాడు. వాటిలో భాగ్ మిల్కా భాగ్, రాక్ ఆన్, జిందగి నా మిలేగి దోబారా, వజీర్ బాగా పేరుతెచ్చాయి. అలాగే దర్శకుడిగా దిల్ చాహ్తా హై, డాన్ 2, లక్ష్య సినిమాలు చేసాడు. ఫర్హాన్ చివరిసారిగా ది స్కై ఈజ్ పింక్ సినిమాలో కనిపించాడు. ఆ సినిమాలో ఫర్హాన్ జోడిగా ప్రియాంకచోప్రా నటించింది. ప్రస్తుతం ఫర్హాన్ మరో బిగ్ మూవీతో తెరమీదకు రావడానికి సిద్ధం అవుతున్నాడు. తుఫాన్ అనే స్పోర్ట్స్ డ్రామా మూవీతో ఫర్హాన్ సందడి చేయనున్నాడు. భాగ్ మిల్కా భాగ్ సినిమా తర్వాత అంటే ఏడేళ్లకు మళ్లీ డైరెక్టర్ రాకేష్ ఓం ప్రకాష్ మెహతాతో సినిమా చేసాడు.

ఈ సందర్బంగా గతేడాది ఆగష్టులో తుఫాన్ సినిమాను రిలీజ్ చేయాలనీ మేకర్స్ అనుకున్నారు. కానీ కరోనా కారణంగా వెయిట్ చేసారు. అయితే తాజాగా ఈ సినిమా రిలీజ్ డేట్ ప్రకటించి షాక్ ఇచ్చారు మేకర్స్. ఎందుకంటే ఈ సినిమా థియేట్రికల్ రిలీజ్ అవ్వడం లేదు. అమెజాన్ ప్రైమ్ లో డిజిటల్ రిలీజ్ చేయబోతున్నారు. మే 21 నుండి తుఫాన్ మూవీ అమెజాన్ లో ప్రసారం కాబోతుంది. ఇదిలా ఉండగా ఈ సినిమా టీజర్ మార్చ్ 12న మధ్యాహ్నం 12గంటలకు విడుదల చేయబోతున్నారు. ఈ సినిమాను స్వయంగా ఫర్హాన్ నిర్మిస్తున్నాడు. తాజాగా డైరెక్టర్ ఫర్హాన్ గురించి మాట్లాడుతూ.. '7 సంవత్సరాల తర్వాత మళ్లీ ఫర్హాన్ సినిమా చేసాను. భాగ్ మిల్కా భాగ్ సమయంలోనే ఈ సినిమాకు అతనే కరెక్ట్ అనిపించింది. ఎందుకంటే ఫర్హాన్ కేవలం నటించడు.. అందులో జీవిస్తాడు' అంటూ చెప్పుకొచ్చాడు. మృనాల్ ఠాకూర్, పరేష్ రావల్ కీలకపాత్రలు పోషించారు. బాక్సింగ్ నేపథ్యంలో ఈ సినిమా స్ఫూర్తిదాయకంగా ఉంటుందని మేకర్స్ చెబుతున్నారు.