టాప్ 10 షూటింగ్ షెడ్యూల్స్

ఓవైపు స‌మ్మ‌ర్ హీట్ అంత‌కంత‌కు రాజుకుపోతోంది. రుతుప‌వ‌నాల రాక ఆల‌స్య‌మ‌వ్వ‌డంతో ఎండ‌లు దంచేస్తున్నాయి. మ‌రో 15రోజులు భీక‌ర‌మైన ఎండ‌లు త‌ప్ప‌వ‌ని వాతావ‌ర‌ణ నిపుణులు చెబుతున్నారు. అయినా నిరంత‌ర షెడ్యూళ్ల‌తో మ‌న హీరోలు కుస్తీలు ప‌డుతున్నారు. హైద‌రాబాద్ - దిల్లీ-చెన్న‌య్- ముంబై -దిల్లీ- క‌శ్మీర్ వంటి చోట్ల షూటింగులు జ‌రుపుకుంటున్న ప‌లు చిత్రాల తాజా అప్ డేట్స్ ఇవి..

*స్టైలిష్ స్టార్ అల్లు అర్జున్‌ -త్రివిక్రమ్ శ్రీనివాస్ కాంబినేషన్ లో హారిక అండ్ హాసిని - గీతా ఆర్ట్స్ సంయుక్తంగా నిర్మిస్తున్న సినిమా షూటింగ్ హైద‌రాబాద్ అల్యూమినియం ఫ్యాక్టరీ లో జరుగుతోంది.

* మెగాస్టార్ చిరంజీవి న‌టిస్తున్న‌ సైరా - న‌ర‌సింహారెడ్డి పెండింగ్ ప్యాచ్ వ‌ర్క్ హైద‌రాబాద్ లో పూర్త‌వుతోంది. ద‌స‌రా రిలీజ్ అన్న మాట వినిపిస్తోంది.

*రామారావు- రామ్ చ‌రణ్ హీరోలుగా ఎస్.ఎస్.రాజ‌మౌళి రూపొందిస్తున్న ఆర్.ఆర్.ఆర్ చిత్రీక‌ర‌ణ హైద‌రాబాద్ లో శ‌ర‌వేగంగా పూర్త‌వుతోంది. త్వ‌ర‌లో చ‌ర‌ణ్ షూట్ లో జాయిన్ అవుతున్నార‌ని స‌మాచారం.

*సూప‌ర్ స్టార్ రజనీకాంత్ హీరోగా మురుగదాస్ దర్శకత్వంలో రూపొందుతున్న `దర్బార్` సినిమా షూటింగ్ చెన్నైలో జరుగుతోంది. ఆగస్టు నెలాఖరుకల్లా షూటింగ్ మొత్తం పూర్త‌వుతుంద‌ని స‌మాచారం. నయనతార, నివేదా థామస్ క‌థానాయిక‌లుగా న‌టిస్తున్నారు.

*నేచుర‌ల్ స్టార్ నాని హీరోగా విక్రమ్.కె.కుమార్ దర్శకత్వంలో మైత్రి మూవీ మేకర్స్ పతాకంపై నిర్మిస్తున్న `గ్యాంగ్ లీడర్` సినిమా షూటింగ్ ఈ నెల 17 నుంచి ఢిల్లీ లో జరుగనుంది. ఆగస్టు 30న సినిమా రిలీజ్.

* వైష్ణవ్ తేజ్ హీరోగా బుచ్చిబాబు డైరెక్షన్ లో, మైత్రి మూవీ మేకర్స్- సుకుమార్ రైటింగ్స్ సంస్థలు సంయుక్తంగా నిర్మిస్తున్న `ఉప్పెన` సినిమా రెగ్యులర్ షూటింగ్ కాకినాడ లో జరుగుతుంది.

*నాగ‌శౌర్య‌, మెహరీన్ జంటగా, రమణ తేజ దర్శకత్వంలో ఐరా క్రియేష‌న్స్‌ బ్యానర్ లో నిర్మిస్తున్న సినిమా రెండవ షెడ్యూల్ వైజాగ్ లో తెర‌కెక్కుతోంది. ఈ సినిమాకి `అశ్వద్ధామ` టైటిల్ పరిశీలన లో ఉంది. ఈ చిత్రంలో రిస్కీ ఫైట్స్ కోసం ప్ర‌య‌త్నించి శౌర్య గాయ‌ప‌డిన సంగ‌తి తెలిసిందే. నెల‌రోజులు శౌర్య‌పై షూటింగ్ కి బ్రేక్.

*శర్వానంద్ - సమంత జంటగా సి.ప్రేమ్ కుమార్ దర్శకత్వంలో దిల్ రాజు నిర్మిస్తున్న సినిమా వైజాగ్ షెడ్యూల్ పూర్త‌యింది.

* విక్ట‌రీ వెంక‌టేష్‌- నాగ‌చైత‌న్య హీరోలుగా న‌టిస్తున్న వెంకీ మామ చిత్రీక‌ర‌ణ క‌శ్మీర్ బార్డ‌ర్ లో జ‌రుగుతోంది. బాబి ఈ చిత్రానికి ద‌ర్వ‌క‌త్వం వ‌హిస్తున్నారు.