టాప్ లెస్ ఫొటో పెట్టింది.. నెటిజ‌న్ టాప్ లేపింది!

అభిమానుల‌ను అట్రాక్ట్ చేసేందుకు.. వారిని ఎంగేజ్ చేసేందుకు న‌టీమణులు ప్ర‌యోగించే అస్త్రం అందాల ప్ర‌ద‌ర్శ‌న‌. అగ్ర‌హీరోయిన్ మొద‌లు అరంగేట్రం చేసే అమ్మ‌డి వ‌ర‌కు.. సిల్వ‌ర్ స్క్రీన్ న‌టుల నుంచి.. స్మాల్ స్క్రీన్ బ్యూటీల వ‌ర‌కు అంద‌రూ ఈ ట్రెండ్ ను ఫాలో అవుతుంటారు. అయితే.. అందాల ప్ర‌ద‌ర్శ‌న అప్పుడ‌ప్పుడూ హ‌ద్దులు దాటుతూ ఉంటుంది.

హిందీ టీవీ యాక్ట్రెస్ టీనా ద‌త్తా కూడా ఇటీవ‌ల బార్డ‌ర్ పూర్తిగా క్రాస్ చేసింది. మొత్తం టాప్ లేపేసింది! ఎద‌భాగంపై నూలు పోగులేకుండా వీపు చూపిస్తున్న ఫొటోను సోష‌ల్ మీడియాలో షేర్ చేసింది. దీంతో.. చాలా మంది విమ‌ర్శ‌లు గుప్పించారు. మ‌రీ.. ఇంత‌గా దిగ‌జారాల్సిన అవ‌స‌రం ఉందా? అని ఘాటు కామెంట్లు కూడా చేశారు. అయితే.. ఓ నెటిజ‌న్ తాను కూడా హ‌ద్దులు దాటుతూ వ‌ల్గ‌ర్ కామెంట్ చేశాడు.

దీంతో.. టీనాకు చిర్రెత్తింది. అత‌నిపై చ‌ర్య‌లు తీసుకోవాలంటూ పోస్టు చేసిన ఆమె.. సైబ‌ర్ క్రైమ్ పోలీసుల‌ను ట్యాగ్ చేసింది. ఇది చూసిన అత‌గాడు బెంబేలెత్తిపోయాడు. వెంట‌నే సిస్ట‌ర్ అంటూ సారీ చెప్పాడు. ఈ కామెంట్ తాలూకు స్క్రీన్ షాట్లు తీసి ఇన్ స్టాలో పోస్ట్ చేసింది టీనా.

అంతేకాదు.. అత‌నిపై సెటైర్లు కూడా వేసింది. ‘‘అప్పటి వరకు నోటికొచ్చినట్టు తిట్టాడు. ఇప్పుడేమో సడన్ గా నేను సోదరినైపోయాను’’ అని కామెంట్ చేసింది. గతేడాది వచ్చిన ‘‘నక్సల్ బరి’’ వెబ్ సిరీలోనూ నటించిన టీనా దత్తా.. బుల్లితెరపై మంచి ట్రాక్ రికార్డు సంపాదించింది. సోషల్ మీడియా వేదికగా నిత్యం ఫ్యాన్స్ తో టచ్ లో ఉంటూ.. త‌న ప‌ర్స‌న‌ల్‌, కెరీర్ విష‌యాలు కూడా షేర్ చేస్తూ ఉంటుంది.