ట్రైల‌ర్ టాక్: గంగా రామ్ కామెడీ న‌వ్వులే న‌వ్వులు

బాలీవుడ్ న‌టుడు అభిషేక్ బ‌చ్చ‌న్ క‌థానాయ‌కుడిగా 'దాస్వి' చిత్రం ప్ర‌క‌ట‌నొచ్చిప్ప‌టి నుంచి భారీ హైప్ క్రియేట్ అవుతోంది. సినిమాకి సంబంధించిన ఫ‌స్ట్ లుక్ పోస్ట‌ర్..అభిషేక్ ఆహార్యం తో 'దాస్వి' ఓ కొత్త ప్ర‌య‌త్నంలో హైలైట్ అయింది. దీంతో సినిమాపై అంచాలు మొద‌ల‌య్యాయి. తాజాగా ఈ సినిమా ట్రైల‌ర్ ని కొద్ది సేప‌టి క్రిత‌మే మేక‌ర్స్ రిలీజ్ చేసారు.

ట్రైల‌ర్ ఆద్యంతం ఆక‌ట్టుకుంటుంది. హిలేరియ‌స్ కామెడీ ఎంట‌ర్ టైన‌ర్. ట్రైల‌ర్ లో అభిషేక్ కామెడీని హైలైట్ చేసారు. ఇందులో అభిషేక్ బ‌చ్చ‌న్ గంగారామ్ చౌద‌రీ అనే పాత్ర‌లో క‌నిపిస్తారు. ఆ పాత్ర ఆహార్యం ఆద్యంతం ఫ‌న్నీగా మ‌లిచారు.

రా - ర‌స్టిక్ అవతార్‌లో గంగారామ్ హైలైట్ అవుతున్నాడు. గంగారామ్ చౌద‌రి స్కూల్ డ్రాపౌట్ విద్యార్ధి. అనుకోకుండా అవినీతి సీఎం అయిపోతాడు. ఆ త‌ర్వాత‌ 10వ త‌ర‌గ‌తి ప‌రీక్ష పాస్ అవ్వ‌డం కోసం అత‌ని ప‌డిన పాట్లు ఆద్యంతం న‌వ్విస్తున్నాయి.

'హసేగా ఇండియా, తో పఢేగా ఇండియా! లాంటి ఫ‌న్నీ డైలాగులు ఆక‌ట్టుకుంటున్నాయి. అభిషేక్ మార్క్ కామెడీ ట్రైల‌ర్ లో మొత్తంలో హైలైట్ గా చెప్పొచ్చు. ఇందులో యామీ గౌత‌మ్ ఐపీఎస్ పాత్ర‌లో క‌నిపించ‌నుంది.

నిమ్రిత్ కౌర్ భీమ్లా దేవి పాత్ర‌లో న‌టిస్తుంది. ట్రైల‌ర్ లో అక్క‌డ‌క్క‌డా యాక్ష‌న్ కి స్కోప్ ఉన్న‌ట్లు రివీల్ చేసారు.

స‌చిన్ జాగీర్ బీజీఎమ్ ఫ‌న్ ఎంట‌ర్ టైన‌ర్ కి చ‌క్క‌గా కుదిరింది. ఈ చిత్రానికి తుషార్ జోలాట్ ద‌ర్శ‌క‌త్వం వ‌హిస్తున్నారు. మ‌డ్డోక్ ఫిల్మ్స్ -జియో స్టూడియోస్ -బ్యాక్ మై కేక్ ఫిల్మ్స్ సంయుక్తంగా నిర్మిస్తున్నారు. అన్ని ప‌నులు పూర్తిచేసి ఏప్రిల్ 7న నెట్ ప్లిక్స్ లో రిలీజ్ చేస్తున్నారు.