ట్రైల‌ర్ టాక్ : ధర్మం కోసం యుద్ధం చేయాల్సిందే

బ్యాక్ టు బ్యాక్ బ్లాక్ బ‌స్ట‌ర్స్ ని అందించడ‌మే కాకుండా ఆ సినిమాల‌తో కొత్త స్టార్స్ ని టాలీవుడ్ కు ప‌రిచ‌యం చేసిన ద‌ర్శ‌కుడు తేజ‌. ఈ సారి సురేష్ ప్రొడ‌క్ష‌న్స్ అధినేత డి. సురేష్ బాబు అబ్బాయి అభిరామ్ ని హీరోగా ప‌రిచ‌యం చేసే బాధ్య‌త‌ల్ని తీసుకున్నారు. అభిరామ్ ని హీరోగా ప‌రిచ‌యం చేస్తూ తేజ తెర‌కెక్కిస్తున్న మ‌రో ప్రేమ‌క‌థా చిత్రం 'అహింస‌'. ఆనంది ఆర్ట్స్ బ్యాన‌ర్ పై ఈ మూవీని జెమిని కిర‌ణ్ నిర్మిస్తున్నారు.

ఈ మూవీ ద్వారా గీతిక హీరోయిన్ గా ప‌రిచ‌యం అవుతుండ‌గా 'జ‌యం'తో యూత్‌ని ఉర్రూత‌లూగించిన స‌దా కీల‌క పాత్ర‌లో న‌టిస్తోంది. ఇప్ప‌టికే విడుద‌లైన ఈ చిత్ర ప్ర‌మోష‌న‌ల్ కంటెంట్ సినిమాపై అంచ‌నాల్ని పెంచేసింది. మెడిక‌ల్ మాఫియా నేప‌థ్యంలో సాగే ఈ మూవీని ఉత్త‌ర భార‌తం నేప‌థ్యంలో ద‌ర్శ‌కుడు తేజ తెర‌కెక్కించారు. షూటింగ్ పూర్తి చేసుకున్న ఈ మూవీ ప్ర‌స్తుతం పోస్ట్ ప్రొడ‌క్ష‌న్ కార్య‌క్ర‌మాలు జ‌రుపుకుంటోంది. ఇదిలా వుంటే గురువారం ఈ మూవీ ట్రైల‌ర్ ని మేక‌ర్స్ విడుద‌ల చేశారు.

ద‌ట్ట‌మైన అడ‌వి నేప‌థ్యంలో ట్రైల‌ర్ మొద‌లైంది. 'ఇంట్లోంచి అభిరామ్ ని పోలీపోలీసులు బ‌య‌టికి లాక్కొస్తుండ‌గా..వీడి గురించి మీకు తెలియ‌దు.. అని పోలీస్ ఆఫీస‌ర్ కొట్టుకుంటూ తీసుకెళ్ల‌డం.. లాయ‌ర్ పాత్ర‌లో న‌టిస్తున్న స‌దా.. ఫోరెన్సిక్ అంటే ఫొటోగ్రాఫ‌ర్ లా ఫొటోలు తీయ‌డం కాదు.. రేపు నువ్వే ర‌ఘు కాళ్లు ప‌ట్టుకునేలా చేస్తాను చూడు' అన‌డం...నా పేరు జ‌డ్జిల బ్రోక‌ర్ చ‌ట‌ర్జీ..12 వంద‌ల కేసుల్లో ఓట‌మే లేదు.. ఎక్క‌డున్నా వెతికి చంపేయండి అని విల‌న్ క్యారెక్ట‌ర్స్‌ చెబుతున్న తీరు.. ఇంట్రెస్టింగ్ గా వుంది.

అయితే ఓవ‌రాల్ మేకింగ్ మాత్రం తేజ ఓల్డ్ ప్యాట్ర‌న్ వాస‌న క‌నిపిస్తుండ‌టంతో సినిమా ఏ మేర‌కు ప్రేక్ష‌కుల్ని ఆక‌ట్టుకుంటుందా? అనే అనుమానాలు మాత్రం క‌ల‌గ‌క మాన‌వు. మెడిక‌ల్ స్టూడెంట్ అయిన మ‌ర‌ద‌లితో.. చ‌దువూ సంధ్యా లేని భావ ప్రేమాయ‌ణం నేప‌థ్యంలో సాగే క‌థ ఇది. ట్రైల‌ర్ ఎండింగ్ లో కృష్ణుడు క‌రెక్ట్ కాద‌ని హీరోయిన్ అంటే.. త‌నే క‌రెక్ట్ అంటూ ధర్మం కోసం యుద్ధం చేయాల్సిందే' అని హీరో చెప్ప‌డం కాస్త ఇంట్రెస్టింగ్ వుంది. అయితే హీరో ప‌రంగా అభిరామ్ మ‌రింత‌గా మెరుగు ప‌డితే బాగుండేదేమో అనిపిస్తోంది.

అడివిలోకి మ‌ర‌ద‌లితో క‌లిసి హీరో పారిపోయిన స‌న్నివేశాలు, విల‌న్స్ పై హీరో అడ‌విలో హైడెన్ సీక్ ఆడుతూ ఫైట్ చేసే సీన్స్ జ‌యం సినిమాని త‌ల‌పిస్తున్నాయి. షూటింగ్ పూర్తి చేసుకుని రిలీజ్ కి రెడీ అవుతున్న ఈ మూవీని త్వ‌ర‌లో రిలీజ్ చేయ‌బోతున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.