పవన్‌ ఫ్యాన్స్‌ కు అంతకు మించి..!

పవన్ కల్యాణ్ ‘వకీల్‌ సాబ్’ సినిమాతో టాలీవుడ్‌ కు రీ ఎంట్రీ ఇచ్చిన సంగతి అందరికీ విదితమే. ఈ ఫిల్మ్‌ తో పవన్ మరో సారి తన సత్తా చాటాడని ఫ్యాన్స్ హ్యాపీగా ఫీలయ్యారు. ఇక పవర్ స్టార్ ప్రజెంట్ వరుసగా సినిమాల షూటింగ్స్‌లో పాల్గొంటున్నారు. ఈ క్రమంలో సినిమాలకు సంబంధించిన అప్‌డేట్స్ అఫీషియల్‌గా వచ్చేస్తున్నాయి. మాటల మాంత్రికుడు త్రివిక్రమ్ శ్రీనివాస్ మాటలు అందిస్తుండగా, సాగర్.కె.చంద్ర దర్శకత్వం వహిస్తున్నా ‘అయ్యప్పనుమ్ కోషియుమ్’ రీమేక్ కు సంబంధించిన టైటిల్, ఫస్ట్ గ్లింప్స్ స్వాతంత్ర్య దినోత్సవం సందర్భంగా ఆగస్టు 15న విడుదల కానుంది.

ఈ సినిమా ట్రైలర్, ఫస్ట్ సింగిల్ పవన్ బర్త్ డే సెప్టెంబర్ 2వ తేదీన ఉండబోతుందని తెలుస్తోంది. ఈ చిత్రంలో పవన్ పోలీసు భీమ్లా నాయక్‌గా కనిపించనున్నారు. ఇదే రోజున క్రిష్ జాగర్లమూడి డైరెక్షన్‌ లో తెరెకెక్కుతున్న పీరియాడికల్ మూవీ ‘హరి‌హర వీరమల్లు’ నుంచి ఓ అప్‌డేట్ రాబోతుందట. దీంతో పాటు ‘గబ్బర్‌సింగ్’ ఫేమ్ డైరెక్టర్ హరీశ్ శంకర్ డైరెక్షన్‌లో రాబోయే ‘పీఎస్‌పీకే 28’చిత్ర అప్‌డేట్ కూడా వచ్చే అవకాశం ఉంది. ఈ సినిమాలే కాకుండా సురేందర్‌రెడ్డి డైరెక్షన్‌లో పవన్ చేయబోయే సినిమా అఫీషియల్ అనౌన్స్‌మెంట్ ఉంటుందని, బండ్ల గణేశ్, భగవాన్-పుల్లారావు నిర్మాణ సారథ్యంలో వస్తున్న మరో మూవీ ప్రకటన ఉంటుందని సమాచారం.

పవన్ ఫ్యాన్స్‌ తమకు ఒకే సారి పది పండుగలు వస్తాయని ఆనందపడుతున్నారు. ఈ విషయాలన్నీ అఫీషియల్ అనౌన్స్‌మెంట్స్ జరిగితే ఇక బాక్సాఫీసు వద్ద పవర్ స్టార్ తన సత్తాను మరోసారి చాటుతారని పవన్ ఫ్యాన్స్ చర్చించుకుంటున్నారు. ఇకపోతే ‘హరిహర వీరమల్లు’ షూటింగ్ ఫస్ట్ షెడ్యూల్ పూర్తి అయింది. కాగా నెక్స్ట్ షెడ్యూల్ కోసం పవన్ వెయిట్ చేస్తున్నారట. ఈ చిత్రంలో పవన్‌కు జోడీగా బ్యూటిఫుల్ హీరోయిన్ నిధి అగర్వాల్ నటిస్తోంది. మలయాళ ఫిల్మ్ ‘అయ్యప్పనుమ్ కోషియుమ్’ రీమేక్‌లో పవన్ సరసన క్యూటీ హీరోయిన్ నిత్యా మీనన్ కన్ఫర్మ్ కాగా రానా సరసన ఐశ్వర్యా రాజేశ్ నటిస్తోందని వార్తలు వస్తున్నాయి. ఇకపోతే హరీశ్ శంకర్ డైరెక్షన్‌లో వచ్చే సినమాలో హీరోయిన్ ఎవరు? అనేది ఇంకా ఫైనల్ కాలేదు. కానీ, మ్యూజిక్ డైరెక్టర్‌గా దేవిశ్రీప్రసాద్ ఫిక్స్ అయ్యారు. ఈ చిత్రానికి పవన్ ఫ్రెండ్ ఆనంద్ సాయి ఆర్ట్ డైరెక్టర్‌గా వ్యవహరిస్తారని అధికారిక ప్రకటన వచ్చేసింది.