ట్రెండీ టాక్‌: గుత్తా జ్వాలా రాజకీయారంగేట్రం?

హైద‌రాబాదీ బ్యాడ్మింట‌న్ స్టార్ గుత్తా జ్వాలా రాజ‌కీయారంగేట్రం చేయ‌నున్నారా? అంటే అవున‌నే కొంత‌కాలంగా గుస‌గుస‌లు వినిపిస్తున్నాయి. అయితే ఇది నిజ‌మా? అన్న‌ది త‌న‌నే ప్ర‌శ్నిస్తే తాజాగా త‌న‌దైన శైలిలో గుత్తా జ్వాలా స్పందించారు.

ఇటీవ‌లే త‌మిళ హీరో విష్ణు విశాల్ ని గుత్తా జ్వాలా పెళ్లాడిన సంగ‌తి తెలిసిందే. ఈ జంట గ‌త కొన్నేళ్లుగా స్నేహితులు... పైగా ప్రేమ‌లో ఉన్నారు. ఇటీవ‌ల హైద‌రాబాద్ లో ఈ జంట వివాహం జ‌రిగింది. రెండేళ్ల క్రితం విష్ణు భార్య నుంచి విడిపోగా.. త‌న భ‌ర్త‌ చేతన్ ఆనంద్‌కు 2010 లో జ్వాలా గుత్తా విడాకులు ఇచ్చారు. అనంత‌రం విష్ణు విశాల్ తో స్నేహం ప్రేమ‌పెళ్లి తెలిసిన‌దే.

కొద్దిరోజులుగా గుత్తా జ్వాలా పొలిటిక‌ల్ డ్రీమ్స్ గురించిన గుస‌గుస‌లు మీడియాలో వైర‌ల్ అయ్యాయి. అయితే తాను రాజ‌కీయారంగేట్రం చేస్తాను అని చెప్ప‌లేద‌ని అలాగ‌ని భ‌విష్య‌త్ లో చేయ‌ను అని చెప్ప‌లేను! అని కూడా గుత్తా జ్వాలా న‌ర్మ‌గ‌ర్భంగా అన్నారు. బ‌హుశా ఆలోచ‌న మారితే ఐదేళ్ల త‌ర్వాత ప్లానింగ్ ఉంటుందేమో అని కూడా అన్నారు. ప్ర‌స్తుతానికి బ్యాడ్మింట‌న్ అకాడ‌మీని న‌డుపుతున్నందుకు తాను సంతోషంగా ఉన్నాన‌ని తెలిపారు. తాను దేనికీ `ఎప్పుడూ చెప్పను` .. ఎప్పుడూ నా విధానం ఇలా కాదని ఎప్పుడూ చెప్పకండి అని జ్వాలా అన‌డం ఉత్కంఠ క‌లిగించింది.

ఇక గుత్తా జ్వాలాను సినిమాల్లో న‌టించాల్సిందిగా త‌న భ‌ర్త విష్ణు కోరిన‌ట్టు ఊహాగానాలు చెల‌రేగాయి. అయితే అవేవీ నిజాలు కావ‌ని ఖండించారు జ్వాలా. గుత్తా జ్వాలా ఇంత‌కుముందు నితిన్ న‌టించిన గుండె జారి గ‌ల్లంత‌య్యిందే చిత్రంలో ఓ స్పెష‌ల్ నంబ‌ర్ లో న‌ర్తించిన సంగ‌తి తెలిసిందే.