ట్రెండీ టాక్‌: స‌ర్కారు వారికి హీరోయిన్ టెన్ష‌న్!

మ‌హేష్ న‌టిస్తున్న స‌ర్కార్ వారి పాట చిత్రీక‌ర‌ణ ఫుల్ స్వింగ్ లో ఉన్న సంగ‌తి తెలిసిందే. మ‌హేష్ - కీర్తి సురేష్ స‌హా ఇత‌ర కీల‌క తారాగ‌ణంపై కీల‌క స‌న్నివేశాల్ని శ‌ర‌వేగంగా పూర్తి చేస్తున్నారు. ప‌ర‌శురామ్ ఆన్ లొకేష‌న్ ఎంత సీరియ‌స్ గా వ‌ర్క్ చేస్తున్నారో ఫోటోలు లీక‌య్యాయి. మ‌హేష్ లుక్ కి సంబంధించిన ఫోటోలు రివీల‌య్యాయి.

ఇక‌పోతే ఈ సినిమాలో క‌థానాయికగా న‌టిస్తున్న కీర్తి స‌న్నివేశం ఎలా ఉంది? అంటే.. ``స‌ర్కారి వారి పాట‌కు హీరోయిన్ టెన్ష‌న్`` అంటూ గుస‌గుస వేడెక్కిస్తోంది. నిజానికి ఈ సినిమాకి సైన్ చేసే టైమ్ కి ఓ రేంజ్ లో ఉన్న కీర్తి సురేశ్ ప‌రిస్థితి ఇప్పుడు మ‌రీ అధ్వాన్నంగా ప‌డిపోయింది. కీర్తి స్టార్ స్టేట‌స్ కి కించిత్ భంగం క‌లిగింద‌నేది ఓ విశ్లేష‌ణ‌.

ఇక స‌ర్కార్ వారి పాట‌కు కీర్తి ఏవిధంగా ప్ల‌స్ అవుతుంది? అన్న‌దానికి ఏమాత్రం క్లారిటీ లేదని ఓ విమ‌ర్శ వినిపిస్తోంది. అయితే హీరోయిన్ల విష‌యంలో మ‌హేశ్ చాలా జాగ్ర‌త్త‌లు తీసుకుంటారు. అత‌డి ప్ర‌తి సినిమాకి హ్యాపెనింగ్ హీరోయిన్ల‌తోనే న‌టిస్తుంటారు. మ‌రి స‌ర్కారి వారి పాట‌కి అప్ప‌టికే డ‌ల్ ఫేజ్ లో ఉన్న‌ కీర్తిని ఎందుక‌ని ఎంపిక చేశారు. ఈ భామ ఈ క‌మ‌ర్షియ‌ల్ సినిమాకి ఎలా హెల్ప్ అవుతుంది? అన్న సందిగ్ధ‌త వ్య‌క్త‌మ‌వుతోంది. పైగా ప‌రుశ‌రామ్ సినిమాల్లో హీరోయిన్ల చాలా సీరియ‌స్ గా కాస్త మూడీగా బాధ్య‌త‌తో ఉంటూ ఉంటారు. మ‌రి కీర్తి ని ఎలా చూపిస్తాడో చూడాలి. మునుప‌టితో పోలిస్తే కీర్తి ఇమేజ్ ని మార్చేస్తూ ప‌ర‌శురామ్ గ్లామ‌ర‌స్ ఎలివేష‌న్ తెస్తారేమో వేచి చూడాలి.