త్రిపుర రిలీజ్‌.. అందరికీ షాకింగే

పెద్ద పెద్ద హీరోలకు 1000 ధియేటర్లలో సినిమాలు రిలీజ్‌ అవుతున్నాయ్‌ అంటే.. చిన్న హీరోలకు ఒక 500 ధియేటర్లలో రిలీజ్‌ అయితే ఎక్కువ. మన తెలుగు రాష్ట్రల వరకు ఇదే సీన్‌. అయితే ఇప్పుడు ఒక హీరోయిన్‌ మాత్రం ఈ సీన్‌ ను రీరైట్‌ చేస్తోంది. ఇప్పుడున్న స్టార్‌ హీరోయిన్లలో కేవలం అనుష్కకు మాత్రమే సోలోగా ఒక సినిమాను పుల్‌ చేసే సీనుంది. ఇప్పుడు ఆమె సరసన చేరుతోంది ఈ హాటీ.

ఎన్ని హిట్లు కొట్టినా కూడా అసలు సిసలైన బ్రేక్‌ ను మాత్రం తెచ్చుకోలేదు కలర్స్‌ స్వాతి. ఇకపోతే ఇప్పుడు పూర్తి స్తాయి ఉమెన్‌ సెంట్రిక్‌ ఫిలింతో వచ్చేస్తోంది. అదే త్రిపుర. ఎప్పుడో షూటింగ్‌ పూర్తయినా మాంచి డేట్‌ కోసం చూడటం వలన ఇంకా రిలీజ్‌ కాలేదు. ఇక నవంబర్‌ 6న ఈ సినిమా వచ్చేస్తోంది. రిలీజ్‌ ఏ రేంజులో ప్లాన్‌ చేశారంటే.. ఏకంగా 1000 ధియేటర్లలో సినిమా రిలీజ్‌ కాబోతోంది. అసలు స్వాతి స్టార్‌ డమ్‌ అనాలా.. లేకపోతే కోన వెంకట్‌ పేరుందని అనాలా.. లేక గీతాంజలి డైరక్టర్‌ రాజ్‌ కిరణ్‌ కారణంగానో తెలియదు కాని.. ఏకంగా 3.5 కోట్లకు శాటిలైట్‌ రైట్స్‌ అమ్ముడపోయాయ్‌.. ఇప్పుడు వెయ్యి ధియేటర్లలో రిలీజ్‌ కూడా అవ్వబోతోంది. ఖచ్చితింగా ఇదో షాకింగ్‌ రిలీజే.

ఇకపోతే ఈ సినిమా కనుక హిట్టయితే మాత్రం ఇక స్వాతికి తిరుగుండదు. తిరుగులేనే లేడీ సూపర్‌ స్టార్‌ రేంజుకి ఎదిగినా ఎదగొచ్చు. లెటజ్‌ సీ!!