బాపురే.. త్రిష ఫైటింగులే ఫైటింగులు

క్యూట్‌ త్రిష ఏంటి? ఫైటింగులేంటి? అన్న సందేహం రావొచ్చు. ఒకవేళ తన వ్యక్తిగత జీవితంలో కల్లోలం సృష్టించిన వారితో గొడవపడిందా? ఆస్తుల గొడవల్లో ఏమైనా కొట్లాటకు దిగిందా? అన్న గందరగోళం ఏర్పడనూ వచ్చు. అయితే అదేం లేదు. మమ్మీ ఉమాకృష్ణనన్‌ తో బాగానే ఉంటోంది. వేరొక శత్రువు తన జీవితంలో లేడు కాబట్టి అసలు గొడవ పడే ఛాన్సే లేదు. కానీ ఫైటింగులు చేస్తోంది అన్నది మాత్రం నిజం. అదెలాగంటే..

త్రిష ప్రస్తుతం ఉలగనాయగన్‌ కమల్‌హాసన్‌ సినిమా 'చీకటిరాజ్యం'లో కథానాయికగా నటిస్తోంది. స్లీప్‌ లెస్‌ నైట్స్‌ అనే హాలీవుడ్‌ చిత్రం ఆధారంగా ఈ సినిమా తెరకెక్కుతోంది. ప్రస్తుతం చిత్రీకరణ శరవేగంగా సాగుతోంది. మాతృకలోలానే .. ఇందులో ఓ భారీ ఫైట్‌ సీక్వెన్స్‌ తెరకెక్కిస్తున్నారిప్పుడు. అయితే ఇందులో హీరో కమల్‌ హాసన్‌ తో సమానంగా త్రిష కూడా హోరాహోరీగా పోరాడే సన్నివేశం ఒకటి ఉంది. ఇందులో కమల్‌ తో పూర్తిగా లీనమై ఫైట్‌ చేసింది త్రిష. తన జీవితంలో మునుపెన్నడూ కనిపించనంత కొత్తగా కనిపించింది. త్రిష ఈ చిత్రంలో ఓ నెగెటివ్‌ షేడ్‌ ఉన్న క్యారెక్టర్‌ లో నటిస్తోంది.

అయితే త్రిష ఫైట్‌ చేసింది కమల్‌ హాసన్‌ తోనా? లేక కమల్‌ కి సపోర్టుగా విలన్‌ లపై దాడి చేసిందా? అన్నది మాత్రం రివీల్‌ చేయలేదు. ఇదంతా చెప్పింది ఎవరో తెలుసా? ఇంకెవరు శ్రుతిహాసన్‌. త్రిష ఫైటింగులు మార్వలస్‌ అంటూ మెచ్చేసుకుంది. దట్సిట్‌.