14 ఏళ్లయినా మళ్లీ త్రిషతోనే

అప్పట్లో ఆ సినిమా ఒక సంచలనం. అయితే ఆ సినిమాలో చేసిన హీరోయిన్ మాత్రం అప్పుడప్పుడే కొత్తగా తనని తాను ప్రూవ్ చేసుకుంటోంది. హరి డైరక్షన్లో రూపొందిన ఆ సినిమా పేరు ''సామి''. ఈ సినిమాను తెలుగులో సహా అనేక బాషల్లోకి రీమేక్ చేశారు. ఇక్కడ బాలకృష్ణ లక్ష్మీనరసింహా అంటూ రీమేక్ చేసిన సంగతి తెలిసిందే. అయితే ఈ సినిమా ఒరిజనల్ తమిళ వర్షన్లో విక్రమ్ హీరోగా చేస్తే.. త్రిష హీరోయిన్ గా చేసింది. 2003లో ఈ సినిమా రిలీజై పెద్ద హిట్టైంది.

ఇక 14 ఏళ్ళ తరువాత ఇప్పుడు సదరు సామి సినిమాకు ఒక సీక్వెల్ రూపొందించాలని దర్శకుడు హరి డిసైడయ్యాడు. హీరో విక్రమే.మరి హీరోయిన్ ఎవరు? ఇంకెందుకు.. 30+ వయస్సు వచ్చినా కూడా.. ఇంకా హాటు హాటుగా ఊరిస్తున్న త్రిషనే తీసుకుంటే పోలా. అవును.. 2003లో సామి సినిమా హిట్టయ్యాక త్రిష్ ఫేట్ మారిపోయింది. తమిళంలో యావరేజ్ స్టార్లెట్ అయిపోయి.. తెలుగులో మాత్రం వర్షంతో పెద్ద స్టార్ అయిపోయింది. దానితో ఓ ఏడెనిమిది ఏళ్ళ పాటు టాప్ హీరోయిన్ గా ఏలేసింది. కట్ చేస్తే ఇప్పుడు స్టార్డమ్ కాస్త తగ్గినా కూడా.. సాధించిన ఘనతలు అలాగే ఉన్నాయి. అందుకే సామి సీక్వెల్ లో ఈమెనే హీరోయిన్ గా తీసుకున్నారు.

మొత్తానికి త్రిష ఇప్పుడు దాదాపు ఒక అరడజను ప్రాజెక్టులతో బాగానే పుంజుకుందండోయ్.

Like Us on Facebook : https://www.facebook.com/Tupakidotcom/