త్రిష ఎక్సయిట్ మెంట్‌ నాయనో.. ఆగట్లే

తెలుగులో చిట్టచివరి సినిమా ''లయన్‌'' రిలీజ్‌ అయినప్పుడు.. అసలు మన డస్కీ చెన్నయ్‌ సుందరి త్రిష ఒక నాలుగు రోజులు ట్విట్టర్‌ ప్రపంచం నుండి మాయమైపోయింది. అన్నం తినకుండా ఒక రోజో రెండు రోజులో గడుపుతుందేమో కాని.. అసలు ట్విట్టర్‌ లో కనిపించకుండా మాత్రం త్రిష ఉండలేదు. అలాంటి ఈ సుందరి.. తన సినిమాలకు హిట్టు టాక్‌ వస్తేనే రచ్చ చేస్తుంది.. లేకపోతే గాయబ్‌.

ఇప్పుడిక అమ్మడి కెరియర్‌ లో 50వ సినిమా.. కమల్‌ హాసన్‌ ''తూంగవనం'' రిలీజైంది. సినిమాకు పాజిటివ్‌ టాక్‌ రావడంతో పాటు.. ఈ సినిమాకు తమిళంలో సొంత వాయిస్‌ తో డబ్బింగ్‌ చెప్పుకున్న త్రిషకు కూడా మాంచి పేరే వచ్చింది. పైగా ఓ రెండు సీన్లలో అదరగొట్టేశావ్‌ అంటూ అమ్మడిని అందరూ పొగిడేశారు. కమల్‌ తో ఫైట్‌ చేసే సీన్‌ లో ఏకంగా జీవించేశావ్‌ అంటూ అందరూ ఆకాశానికి ఎత్తేయడంతో.. ఇక త్రిష ట్విట్టర్‌ లో నానా హంగామా చేసేస్తోంది. ఎంచక్కా వివిద విమర్శకుల రివ్యూలు షేర్‌ చేయడమే కాకుండా.. జనాల కామెంట్లు.. సాటి నటలు అభినందనలు.. అబ్బో.. అస్సలు పొద్దున్నుండి ఫోన్‌ ను వదిలిపెడితే ఒట్టు.

ఇప్పుడే తొలిసారి హిట్టు కొట్టినట్టి అదేం ఎక్సయిట్మెంటు త్రిషా? ఇలాంటివి చాలా చూశావ్‌ గా కెరియర్‌ లో. సర్లే చాన్నాళ్లకు హిట్టొస్తే ఆ కిక్కు ఇలాగే ఉంటుందిలే. ఎంజాయ్‌ చేయ్‌ చెన్నయ్‌ హాటీ!!