త్రిష మొదటి సినిమా పోస్టర్ ఇదిగో

సౌత్ లో ప్రస్తుతం సీనియర్ హీరోయిన్స్ జాబితాలో కొనసాగుతున్న వారిలో త్రిషా కూడా ఒకరు. అమ్మడు ఇండస్ట్రీలోకి అడుగుపెట్టి ఏళ్లు గడుస్తున్నా ఇంకా తన ఫిట్ నెస్ తో షాక్ ఇస్తూనే ఉంది. తన అందంలో కూడా వయసును మర్చిపోయేలా చేస్తోంది. అమ్మడు దాదాపు సౌత్ ఇండస్ట్రీలో ఉన్న అందరి హీరోలతోనూ జత కట్టింది. కానీ ఒక్క మలయాళంలో మాత్రం ఇంతవరకు నటించలేదు తెలుసా.

అయితే అమ్మడు అక్కడ కూడా పాపులర్ అవ్వాలని రాసిపెట్టి ఉందొ ఏమో గాని కెరీర్ క్లోజ్ అయ్యే టైమ్ లో అవకాశం దక్కించుకొంది. మలయాళంలో హే జూడ్ అనే సినిమాలో అవకాశం దక్కించుకొంది. మ్యూజికల్ రొమాన్స్ ఫిల్మ్ గా తెరకెక్కుతోన్న ఈ సినిమా యొక్క ఫస్ట్ లుక్ రీసెంట్ గా చిత్ర యూనిట్ రిలీజ్ చేసింది. శ్యామ్ ప్రసాద్ దర్శకత్వం వహిస్తోన్న ఈ సినిమాలో ప్రేమమ్ నివిన్ పౌలి కథానాయకుడు.

అయితే ఈ మధ్య గ్లామర్ గర్ల్ గా దర్శనం ఇస్తోన్న త్రిష సినిమాలో మాత్రం చాలా సింపుల్ గా ఉన్నట్లు తెలుస్తోంది. ఫస్ట్ లుక్ లో కాస్త ఫ్యాషన్ లుక్ తో కనిపించినా కొంచెం కూల్ గా ఉన్నట్టే ఉంది. స్కూటీ పై హీరోని ఎక్కించుకొని ఎదో కబుర్లు చెబుతోంది. త్రిషా ఇన్నేళ్ల కెరీర్ లో తెలుగు - తమిళ్ భాషల్లో మంచి గుర్తింపు తెచ్చుకుంది. ఇక కన్నడ - హిందీలను కూడా టచ్ చేసింది. మరి ఇప్పుడు మలయాళం లో అమ్మడు ఎంతవరకు ఆకట్టుకుంటుందో చూడాలి.