త్రిష ఖాతాలో మరో ఐదేళ్ళు వేస్కోండి

ఒక్కటంటే ఒక్క సినిమా కూడా ఆడట్లేదు. అలాగే గ్లామర్ షో నుండి బిలో యావరేజ్ హీరో వరకు ఎవరితోనైనా సినిమా చేయడానికి ఆమె రెడీగానే ఉంది. ఈ సమయంలో చెన్నయ్ చంద్రం త్రిషను అన్నీ ఫ్లాపులే వరించాయి. ఎలాగో వయస్సు కూడా 30 దాటేసింది కాబట్టి.. క్యూట్నెస్ కూడా మాయం అయిపోయింది ఆమె ముఖంలో. అందుకే సినిమా కెరియర్ ఇక ది ఎండ్ అనుకున్నారు అంత. ఇప్పుడు మాత్రం ఒక గోల్డెన్ ఛాన్సొచ్చింది.

తొలిసారిగా తన కెరియర్లో ఇవాళ రిలీజైన ''కోడి'' (తెలుగులో ధర్మయోగి.. రేపు రిలీజవుతోంది) సినిమాలో నెగెటివ్ పాత్రలో కనిపించింది త్రిష. ఒక విధంగా చూస్తే సినిమాలో హీరో ధనుష్‌ అయినప్పటికీ.. కథ అంతా త్రిష చుట్టూతానే తిరుగుతూ ఉంటుంది. అందుకే ఈ సినిమాలో ఆమె గ్లామర్ లేని పాత్రను చేసినా కూడా ఆకట్టుకుందనే చెప్పాలి. బహుశా ఏ మాయ చేశావే తమిళ వర్షెన్ తరువాత త్రిష ఓ రేంజులో కాస్తయినా పెర్ఫామ్ చేసిందంటే అది ఖచ్చితంగా కోడి సినిమాలోనే చేసినట్లు. అందుకే ఇప్పుడు మనం త్రిష కెరియర్ ఇంకో ఐదేళ్లు ఆటోమ్యాటిక్ గా ఎక్సటెండ్ అయిపోయిందని చెప్పుకోవచ్చు.

అయితే తదుపరి రిలీజయ్యే ''మోహిని'' వంటి సినిమాలతో త్రిష ఇంకాస్త ప్రూవ్ చేసుకుందంటే.. కొన్నిరోజులు అలాంటి పాత్రలను చేసుకుంటూ కాలం గడిపేయొచ్చు. ఏమంటావ్ బ్యూటి?


Like Us on Facebook : https://www.facebook.com/Tupakidotcom/