చైతూ హీరోయిన్ కు త్రిష ముద్దులు

ఈ మధ్య కాలంలో అస్సలు తన సినిమాల ప్రమోషన్ కు కూడా రావట్లేదు డస్కీ బ్యూటి త్రిష. అదేలేండి.. ఉన్నదే ఒక్క సినిమా. ''నాయకి'' సినిమా కోసం వచ్చుంటే పబ్లిక్ లో మాంచి హైప్ కూడా వచ్చేది. ఎలాగో సినిమా కూడా ఫ్లాపే అయ్యింది కాబట్టి ఇక జనాలు కూడా ఈమెను మర్చిపోయారు. అయితే అమ్మడు ఏం చేస్తోందో తెలుసా?

అదిగో ఆ ఫోటోలో చూస్తున్నారుగా.. హీరోయిన్ మంజిమా మోహన్ కు ఒక పార్టీలో తెగ ముద్దులు పెట్టేస్తోంది త్రిష. ఈ అమ్మడు ఎవరంటే.. నాగచైతన్య హీరోగా గౌతమ్ మీనన్ డైరక్షన్లో రూపొందిన 'సాహసం శ్వాసగా సాగిపో' సినిమాలో హీరోయిన్. ఇప్పుడు తమిళంలో మరో రెండు ప్రాజెక్టులు సైన్ చేసింది. అయితే ఒక పార్టీలో వీళ్ళిద్దరూ కలిసారట. త్రిష మంజిమకు తెగ నచ్చేసింది.. అలాగే త్రిషకూ మంజిమ తెగ నచ్చేసింది. ఈ ముద్దు గురించి అడిగితే.. ''ఎంత స్వీటో మా త్రిష'' అంటూ తెగ మెలికలు తిరుగుతోంది మంజిమా. ఇప్పుడు చెన్నయ్ అంతా వీళ్ల పార్టీల గురించే కబుర్లు.

ఒక ప్రక్కన ఇలాంటి పార్టీల్లో ఎంజాయ్ చేస్తూ.. మరో ప్రక్కన అమ్మడు జిమ్ లో కూర్చుని పెరిగిన కండలను కరిగిస్తోంది. మరి రోజూ పార్టీలో ధ్రవ్యం మోతాదు ఎక్కువైనప్పుడు కాసినన్న కిలోలతో జిమ్ లో ఆ మాత్రం ఉద్యమం చేయాలిలే.