నాయకిగా భయపెడతానంటున్న త్రిష

త్రిష లీడ్ రోల్ లో కొత్త మూవీ స్టార్ట్ కాబోతోంది. ఈ మధ్య ఈ సీనియర్ హీరోయిన్ హారర్ మూవీలపై మనసు పడ్డట్టుగా కనిపిస్తోంది. ఇప్పటికే అరణ్మణై2 పేరుతో ఓ హారర్ కామెడీ మూవీని కంప్లీట్ చేసింది. ఇది రిలీజ్ కి రెడీ అయిపోతోంది కూడా. ఇప్పుడు నాయకి అంటూ భయపెడతానంటోంది త్రిష.

ఇప్పుడు హారర్ కామెడీ జోనర్ కి డిమాండ్ బాగా పెరిగింది. డైరెక్టర్లు, ప్రొడ్యూసర్లు కూడా హీరోయిన్ ని లీడ్ రోల్ గా తీసుకుని.. లోబడ్జెట్ లో మూవీ కంప్లీట్ చేసేందుకు ఈ కాన్సెప్ట్ నే ఎంచుకుంటున్నారు. గోవి గోవర్ధన్... స్టోరీ, స్క్రీన్ ప్లే, డైరెక్షన్ చేస్తున్న ఈ సినిమాకి.. పూర్తిగా త్రిష కోసమే రాసుకున్నాడట. ఇలాంటి డైరెక్టర్ దొరకడం చాలా అరుదు అంటూ ట్వీట్ చేసి ధ్యాంక్స్ కూడా చెప్పేసింది త్రిష. నాయకి కోసం రెండు పోస్టర్స్ రిలీజ్ చేశారు. ఇందులో ఒకటి పవర్ ఫుల్ పాత్రగా కనిపిస్తుంటే... మరొకటి పాతకాలం హీరోయిన్ ని గుర్తు చేస్తున్నట్లుగా ఉంది.

ఈ మూవీని తెలుగు, తమిళ భాషల్లో తెరకెక్కించబోతున్నారు. ఇప్పటివరకూ అందాల భామగా అలరించిన త్రిషని... ఇకపై దెయ్యం పాత్రల్లోనూ చూడ్డానికి జనాలు రెడీ అవ్వాల్సిందే. ఆగస్ట్ 20న నాయకి షూటింగ్ ప్రారంభం కానుంది. ఏంటి? ఇంకా షూటింగ్‌ స్టార్టు కాలేదా? ఈ సినిమా గురించి ఆర్నెల్లుగా చెబుతున్నారుగా...