త్రిష అంతలా భయపెడుతుందా

నిన్న.. మొన్నటిటిదాకా తన అందంతో.. సొగసుతో కుర్రాళ్లకు నిద్ర లేకుండా చేసిన చెన్నైబ్యూటీ ఇప్పుడు కొత్త రూట్ లో వస్తోంది. ఇప్పుడు కుర్రాళ్లకే కాదు. తన చూసిన వారందరికీ నిద్ర పట్టకుండా చేయడానికి రెడీ అయిపోతోంది. అయితే ఈసారి గ్లామర్ తో కాకుండా హర్రర్ తో ట్రై చేస్తోంది.

త్రిష లేటెస్ట్ గా మోహిని అనే హర్రర్ సినిమాలో హీరోయిన్ గా నటిస్తోంది. తమిళం - తెలుగు భాషల్లో ఒకేసారి ఈ సినిమా తెరకెక్కుతోంది. ఈ మూవీలో త్రిష ఓ రేంజిలో భయపెడుతుందని డైరెక్టర్ రమణ మాదేశ్ అంటున్నాడు. హర్రర్ సినిమాల్లో ఇంతవరకు ఈ తరహా చిత్రం రాలేదని చెప్పుకొచ్చాడు. ఇందులో త్రిష స్టంట్లు కూడా చేసిందని సినిమా యూనిట్ సభ్యులు చెబుతున్నారు. మోహిని చిత్రంలో విజువల్ ఎఫెక్ట్స్ కు చాలా ఇంపార్టెన్స్ ఉందని.. సినిమాలో దాదాపు 55 నిమిషాల పాటు విజువల్ ఎఫెక్ట్స్ ఉన్న సన్నివేశాలు ఉంటాయని డైరెక్టర్ మాదేశ్ అంటున్నాడు. లండన్‌లో జరిగిన రియల్ లైఫ్ ఇన్సిడెంట్ బేస్ గా ఈ చిత్రం రూపొందుతోంది.

త్రిష ఇంతకుముందు హర్రర్ జోనర్ లో నాయకి అనే సినిమా చేసింది. అది కూడా తెలుగు - తమిళ భాషల్లో ఒకేసారి తీసిన చిత్రమే. కాకుంటే అది హర్రర్ కామెడీ. అందులో త్రిష చాలావరకు సీన్లలో గ్లామరస్ గానే కనిపించింది. అయితే ఈ మూవీ బాక్సాఫీస్ ను ఆకట్టుకోలేదు. దీంతో ఈసారి మోహిని సినిమాలో ప్యూర్ హర్రర్ తో జనాలను భయపెట్టడానికి రెడీ అయిపోయింది.