నాయకి కూడా రేసులోనే ఉందంట

ఇప్పటివరకు రెండుసార్లు రెండు డేట్లు అనుకున్న ''నాయకి''.. చివరకు పట్టాలు తప్పేసింది అనుకున్నారంతా. జూన్ మొదటివారంలో రావాల్సిన సినిమా రిలీజ్ కాకపోవడం వలన.. మన చెన్నయ్ చంద్రం త్రిష కూడా బాగా హర్టయ్యిందని టాక్‌. అయితే ఇప్పుడు ఈ సినిమాను ''కబాలి'' కంటే ముందే రేసులో పెట్టాలని ఫిక్సయ్యారట.

జూలై 15న మా హారర్‌ కామెడీ ''నాయకి''ని ప్రేక్షకుల మీదకు వదులుతున్నాం అంటూ ఈరోజు సాయంత్రం నిర్మాత గిరిధర్‌ స్పష్టం చేశాడు. దర్శకుడు గోవి ఈ సినిమాను ఎంతో బాగా తీశారట. ప్రేక్షకులు చాలా పెద్ద థ్రిల్ కు గురవుతారని అంటున్నారులే. అవన్నీ సరే.. రిలీజయ్యాక ఆ విషయం మాట్లాడుకోవచ్చు. అయితే అసలే సినిమా రిలీజుకు ఇంకే 3 రోజులే ఉంది కాబట్టి.. ఇప్పటివరకు త్రిష ప్రమోషన్లకు దిగకపోవడం ప్రమాదమే. రెండు ట్వీట్లు వేసినంత మాత్రానే హైప్‌ వచ్చేయదుగా. ఏమంటావ్ త్రిష?

ఇకపోతే కబాలి జూలై 15న రావట్లేదు కాబట్టి.. 22న వస్తోంది కాబట్టి.. ఒక వారం పాటు దున్నుకుందాం అని ఆల్రెడీ సెల్ఫీ రాజా రెడీ అయ్యాడు. ఇప్పుడు నాయకి కూడా రేసులోకి దిగింది. మరి 22న అనుకున్న చుట్టాలబ్బాయ్‌ కూడా ముందుకొస్తాడేమో చూడాలి.