ఇన్నేళ్ల కెరీర్‌ లో క‌నిపించ‌నంత కొత్త‌గా

క్యూట్ త్రిష ఏం చేసినా అందులో సంథింగ్ ఫ్రెష్‌ నెస్ ఉంటుంది. అందుకే ద‌శాబ్ధం పైగానే తెలుగు, త‌మిళ ప్రేక్ష‌కులు ఈ అమ్మ‌డికి బ్ర‌హ్మ‌ర‌థం ప‌ట్టారు. సినిమా అభిమాని అయిన ప్ర‌తి ఒక్క‌రూ త్రిష‌కు అభిమాని అయ్యారంటే అతిశ‌యోక్తి కాదు. న‌ట‌న‌ - ఎక్స్‌ ప్రెష‌న్‌ - మెచ్యూరిటీ లెవ‌ల్ .. ఏ కోణంలో చూసినా త్రిష టాప్ యాక్ర్టెస్‌. అందుకే కెరీర్ ఎండ్ అయిపోతోంది అనుకుంటున్న టైమ్‌ లో తిరిగి త‌న పంథా మార్చి కొత్త స్ట‌యిల్‌ తో దూసుకొచ్చింది. ఇప్పుడు చీక‌టిరాజ్యం సినిమాలో నార్కోటిక్స్ కంట్రోల్ బ్యూరో (ఎన్‌ సిబి) అధికారిగా స‌రికొత్త అవ‌తారంలో క‌నిపించింది.

ఈసారి గెటప్పే మార్చేసింది. షూటు - బూటు - ట‌క్కు - టై - రెబాన్ అంటూ డిఫ‌రెంట్ గెట‌ప్‌ లో ద‌ర్శ‌న‌మిచ్చి షాకిస్తోంది. అంతేనా ఈ సినిమాలో త్రిష ఓ బ్యాడ్ గాళ్‌ గా క‌నిపించ‌బోతోంది. పోస్ట‌ర్ల‌లో విశ్వ‌న‌టుడు క‌మ‌ల్‌ హాస‌న్‌ కి కిక్ మీద కిక్ ఇస్తూ, పంచ్ మీద పంచ్ ఇస్తూ క‌నిపించి స‌ర్‌ ప్రైజ్ ఇచ్చింది. ఇందులో ఓ ప్ర‌మాద‌క‌ర డ్ర‌గ్ డీల‌ర్‌ గా ప్ర‌కాష్‌ రాజ్ విల‌నీ చేశాడు. ఓ రాత్రి, ఓ ప‌గ‌లు జ‌రిగే క‌థాంశ‌మిది. ఓ డిస్కో థెక్‌ లో ఈ క‌థంతా న‌డుస్తుంది.

ఇంట్రెస్టింగ్ కాన్సెప్టుతో వ‌స్తున్న ఈ సినిమాలో త్రిష న‌ట‌న చాలా స్ట‌యిలిష్‌ గా ఉంటుంద‌ని క‌మ‌ల్‌ హాస‌న్ చెబుతున్నారు. రిలీజ్‌ కి ఇంకెంతో టైమ్ లేదు. న‌వంబ‌ర్‌ లో తెలుగు వెర్ష‌న్ రిలీజ‌వుతుంద‌ని క‌మ‌ల్‌ హాస‌న్ ఇప్ప‌టికే చెప్పారు. ఈ సినిమా ఫ్రెంచ్ డ్రామా స్లీప్‌ లెస్ నైట్‌ కి రీమేక్ అని చెబుతున్నారు. అలాగే హాలీవుడ్ యాక్ష‌న్ సినిమా టేకెన్ షేడ్స్ కూడా సినిమాలో క‌నిపిస్తున్నాయి. ఏదేమైనా క‌మ‌ల్ మ‌రో హాలీవుడ్ రేంజు సినిమాని తెలుగు ప్రేక్ష‌కుల‌కు ఇవ్వ‌బోతున్నారు. త్రిష హాలీవుడ్ యాక్ర్టెస్‌ లా క‌నిపించ‌బోతోంద‌ని అర్థ‌మ‌వుతోంది.