కెమెరాని భుజంపై మోస్తున్న త్రిష

చెన్నై చిన్నది త్రిషా క్రిష్ణన్.. హీరోయిన్ గా ఎంత ఫేమస్సో - ఫ్యాషన్స్ ని ఫాలో అవడంలోనే అంతే ఫేమస్. డ్రెసింగ్ - హేర్ స్టైల్స్ విషయంలోనే కాదు.. టాటూలను కూడా డిఫరెంట్ గా డిజైన్ చేయించి, శరీరంపై వేయించుకోవడంలో.. త్రిషకు బోలెడు గుర్తింపు ఉంది.

మొదట తన ఎద పై భాగంలో 'నిమో' అనే చేప పిల్లను పచ్చ పొడిపించుకుంది త్రిష. సినిమాల్లో ఈ ట్యాటూ కనిపించీ కనిపించకుండా చూపిస్తూ ఉంటే.. ఆ సీన్స్ భలే చూడ ముచ్చటగా ఉంటాయి. ఆ తర్వాత తన చేతిపై టారస్(వృషభం) ను టాటూగా వేయించుకుంది. ఇది జోడియాక్ సైన్ కాగా... దీన్ని తన చేతిపై వేయించుకుంది. లేటెస్ట్ గా తన శరీరంపై మరో పచ్చని పొడిపించిందీ సీనియర్ హీరోయిన్. ఈసారి తన ఎడమ భుజం వెనుక వైపు టాటూకు కేటాయించింది. ఈ సారి త్రిష ఎంచుకున్న సింబల్ ఏంటో తెలుసా.?

సినిమా - గ్లామర్ ఇండస్ట్రీకి కీలకం అయిన కెమేరా. ఒక కేమ్ కం ట్రైపాడ్ ను తన భుజంపై టాటూగా వేయించుకుంది త్రిష. మొత్తం మూడు టాటూలను డిఫరెంట్ ప్లేసుల్లో వేయించుకుని తన ప్రత్యేకత చాటి చెప్పింది. అంతే కాదు.. దీన్ని పోస్ట్ చేస్తూ.. 'గుండెలో ఉన్నదాన్నే శరీరంపై ధరించాను.. ఇది టాటూ నెంబర్ 3' అంటూ రాసింది కూడా. ఇలా తన ప్రొఫెషన్ నే టాటూగా వేయించుకుని.. టాటూ క్వీన్ అనే బిరుదు పొందేందుకు చెన్నై బ్యూటీ త్రిష రెడీ అయిపోయింది కదూ.