త్రిష ఆ బిజినెస్ లోకి పక్కా..

ఇప్పటి హీరోయిన్లకు ముందు చూపు బాగా ఎక్కువ. సినిమాలతో సంపాదించిన డబ్బుల్ని ఏదో ఒక వ్యాపారంలో పెట్టుబడిగా పెట్టి ఆదాయాన్ని మరిన్ని రెట్లు చేసుకునే ప్రయత్నం చేస్తున్నారు. ప్రస్తుత అగ్ర హీరోయిన్లందరికీ దాదాపుగా ఏదో ఒక బిజినెస్ ఉంది. దశాబ్దానికి పైగా తమిళ.. తెలుగు భాషల్లో టాప్ హీరోయిన్ గా కొనసాగుతూ వస్తున్న త్రిష ఇన్నాళ్లూ సినిమాల మీదే దృష్టిపెట్టింది కానీ.. త్వరలోనే ఆమె కూడా బిజినెస్ లోకి రాబోతోందని వార్తలు వినిపిస్తున్నాయి. ఆమె బెంగళూరులో ఓ స్టార్ హోటల్ పెట్టబోతోందంటూ ఈ మధ్య మీడియాలో విస్తృతంగా ప్రచారం జరుగుతోంది.

తాజా సమాచారం ప్రకారం త్రిష హోటల్ నిర్మాణం దాదాపుగా పూర్తయిందట. ఈ విషయం ఆమె అఫీషియల్ గా త్వరలోనే ప్రకటిస్తుందట త్రిష. అప్పటిదాకా ఈ విషయాన్ని సర్ ప్రైజ్ గా దాచిపెట్టాలని త్రిష భావిస్తోందట. 60 సూట్ రూమ్స్ తో గ్రాండ్ గా ఈ హోటల్ ను తీర్చిదిద్దుతున్నట్లు సమాచారం. త్రిష తండ్రి ఒకప్పుడు స్టార్ హోటల్లో పని చేశాడు. హోటల్ పెట్టాలన్నది ఆయన కల. కానీ ఆ కోరిక నెరవేరకుండానే వెళ్లిపోయాడు. ఐతే తండ్రి జ్నాపకార్థం.. ఆయన చివరి కోరిక నెరవేర్చడానికి త్రిష కంకణం కట్టుకుంది. ఇన్నేళ్లు సంపాదించిన డబ్బులన్నీ పెట్టి స్టార్ హోటల్ పెట్టేస్తోంది. ఇందుకు బెంగళూరును వేదికగా ఎంచుకుంది. త్వరలోనే ఈ హోటల్ ప్రారంభోత్సవం జరుపుకుంటుందని సమాచారం.

Like Us on Facebook : https://www.facebook.com/Tupakidotcom/