త్రిష వేడెక్కించబోతోందా?!

లేటు వ‌య‌సులో ఘాటు క‌బురు వినిపించింది త్రిష‌. ఆమె త‌న కొత్త చిత్రంలో బికినీ ధ‌రించి అందాలు ఆర‌బోసింద‌ట‌. ఆ స‌న్నివేశాల్ని చూశాక కుర్రాళ్లు వేడెక్కిపోవ‌డం ఖాయ‌మ‌ని చెన్నై వ‌ర్గాలు చెబుతున్నాయి. పుష్క‌ర‌కాలంగా క‌థానాయిక‌గా ప్ర‌యాణం చేస్తోంది త్రిష‌. అప్పుడ‌ప్పుడు కాస్త ఘాటుగా క‌నిపించిందే కానీ.. ఎప్పుడూ బికినీ ధ‌రించింది లేదు. కానీ త‌న కొత్త చిత్రం నాయ‌కిలో మాత్రం బికినీ ధ‌రించి అందాల్ని వ‌డ్డించాల్సిన అవ‌స‌రం వ‌చ్చింద‌ట‌. ఆ స‌న్నివేశాల గురించి చెప్పాక త్రిష ఏమాత్రం ఆలోచించ‌కుండా ఓకే అని చెప్పేసింద‌ట‌. అలా క‌నిపించాల్సిన అవ‌స‌రం ఏర్ప‌డ‌టానికి తోడు, కొత్త భామ‌ల‌కి పోటీ ఇచ్చిన‌ట్టుగా కూడా ఉంటుంది క‌దా అనే త్రిష ఈ ప్ర‌య‌త్నం చేసిన‌ట్టు తెలిసింది. ఇటీవ‌లే చెన్నైలో ఆ స‌న్నివేశాల్ని తెర‌కెక్కించార‌ని స‌మాచారం.

ముదురు భామ అనే ముద్ర ప‌డిన‌ప్ప‌టికీ త్రిష జోరు మాత్రం త‌గ్గ‌డం లేదు. అటు త‌మిళంలోనూ, ఇటు తెలుగులోనూ వ‌రుస‌గా అవ‌కాశాల్ని అందిపుచ్చుకుంటుంది. తెలుగులోనైనా త‌క్కువ‌కానీ త‌మిళంలో మాత్రం ఆమె దుమ్ము దులుపుతోంది. స్టార్ క‌థానాయ‌కుల స‌ర‌స‌న ఆడిపాడుతోంది. కొత్త భామ‌ల‌కి ఏమాత్రం తీసిపోన‌ని చాటిచెబుతోంది. ఇక బినినీ అందాలు కూడా క్లిక్ అయితే త్రిష ప్ర‌యాణం మరికొన్నాళ్లు ఎలాంటి ఒడుదుడుకులు లేకుండా సాగిపోవ‌డం ఖాయం అని ప‌రిశ్ర‌మ వ‌ర్గాలు చెబుతున్నాయి. నాయ‌కి చిత్రంలో త్రిష ఓ హీరోయిన్‌ గా న‌టిస్తున్న‌ట్టు తెలిసింది. ఎయిటీస్ నేప‌థ్యంలో సాగే క‌థ‌గా ప్ర‌చారంలో ఉంది. మ‌రి అప్ప‌టి క‌థ‌లో బికినీ వేయాల్సిన అవ‌స‌రం ఎందుకొచ్చింద‌న్న‌ది ఇప్పుడు ఆస‌క్తిక‌రంగా మారింది.