ఫోటో స్టొరీ: విలన్ అవతారంలో గురూజీ!

బ్యూటీల గురించి అదేపనిగా 'ఫోటో స్టోరీ'లంటూ మాట్లాడుకుంటే టాలీవుడ్ లో ఉన్న టాలెంటెడ్ యాక్టర్ బ్రహ్మాజీకి మన మీద కోపం వచ్చినట్టుంది. సోషల్ మీడియా అంటే ఎప్పుడు అందాలేనా? జ్ఞానం పంచే గురూజీలు వద్దా? అందుకనే అజ్ఞానం పంచే దొంగ గురూజీలను కాకుండా ఎంటర్టైన్మెంట్ తో పాటు కాసింత జ్ఞానాన్ని పవర్ ఫుల్ పంచ్ ల తో పాటు పంచే టాలీవుడ్ గురూజీ ఫోటో ను ఇన్స్టా లో పెట్టాడు!

గజిబిజిగా ఉందని అనుకోవద్దు. శనివారం పొద్దునే ఈ గురూజీ - జ్ఞానం లాంటి పంటికింద రాయిలాపడే టాపిక్స్ ఏంటి అనుకోకముందే అసలు టాపిక్ లోకి వెళ్దాం. యాక్టర్ బ్రహ్మాజీ 'అరవింద సమేత వీర రాఘవ' లో నటిస్తున్న విషయం తెలిసిందే. అయన త్రివిక్రమ్ ఫోటోను ఒకదాన్ని ఇన్స్టాగ్రామ్ లో షేర్ చేసి "నేను వస్తున్నా.. బీ రెడీ #త్రివిక్రమ్" అని క్యాప్షన్ పెట్టాడు. ఆ ఫోటోలో త్రివిక్రమ్ హుడ్ లాంటి టోపీ పెట్టుకొని గజిబిజిగా ఉన్న గడ్డాన్ని స్టైల్ గా చూపుడు వేలుతో అలా గీసుకుంటూ కనిపించాడు. ఫోటో తీసిన కోణం.. గురూజీ దృక్కోణం చూస్తే అయన టాలీవుడ్ కి దొరికిన తాజా విలన్ లా ఉన్నాడు.

అసలే 'అజ్ఞాతవాసి' అపజయం తో విమర్శకులందరూ త్రివిక్రమ్ పై విరుచుకుపడుతున్నారు. కానీ 'అరవింద సమేత' ప్రోమోస్ చూస్తుంటే మళ్ళీ గట్టిగా కొట్టేలానే ఉన్నాడు.. మరి బ్రహ్మాజీ టాలీవుడ్ గురూజీ ని గురించి పెట్టిన క్యాప్షన్ అదేనేమో. బీ రెడీ!