మరోసారి తెరపైకి వచ్చిన స్టార్ కాంబో..!!

టాలీవుడ్ ఇండస్ట్రీలో తెలుగు హీరోలతో పాటు అదే రేంజ్ ఫ్యాన్ బేస్ కలిగి ఉన్నాడు కోలీవుడ్ స్టార్ హీరో సూర్య. ఆయన నటించిన బ్లాక్ బస్టర్ గజినీ సినిమా నుండి ఇప్పటివరకు ప్రతి సినిమా తెలుగులో కూడా భారీగా రిలీజ్ అవుతోంది. టాలీవుడ్ బాక్స్ ఆఫీస్ వద్ద ఒక రేంజ్ మార్కెట్ ఏర్పడడంతో డైరెక్ట్ గా ఒక తెలుగు సినిమా చేసి తెలుగు జనాలకు మరింత దగ్గరవ్వాలని చూస్తున్నారట సూర్య. గతంలో చాలా సార్లు సూర్యకి టాలీవుడ్ నుంచి ఆఫర్స్ వచ్చాయి. కొన్నిసార్లు త్రివిక్రమ్ తో కూడా వర్క్ చేయబోతున్నట్లు టాక్ వచ్చింది. అలాగే బహుబలిలో కట్టప్ప పాత్ర కోసం కూడా సంప్రదిస్తే నో అన్నాడట. అయితే నెక్స్ట్ ఎలాగైనా ఒక తెలుగు కథతో టాలీవుడ్ జనాలను ఆకట్టుకోవాలని సూర్య తెలుగు రచయితలతో చర్చలు జరుపుతున్నట్లు తెలుస్తోంది.

గత కొన్ని నెలలుగా తెలుగు వాళ్లకు నచ్చేలా పూర్తి తెలుగుదనం కనిపించేలా ఒక సినిమా చేయాలని ప్లాన్ చేస్తున్నాడట. కథ ఏ మాత్రం నచ్చినా మంచి దర్శకుడిని సెలెక్ట్ చేసుకొని వచ్చే ఏడాదికి ఒక డైరెక్ట్ తెలుగు సినిమాను ప్రేక్షకుల ముందుకు తేవాలని సూర్య తపన పడుతున్నట్లు సమాచారం. ప్రస్తుతం సూర్య తెలుగు మార్కెట్ కూడా డెవలప్ చేయడానికి తాజాగా గతంలో చర్చలు జరిపిన డైరెక్టర్ త్రివిక్రమ్ కథ ఓకే చేసినట్లు తెలుస్తుంది. సూర్యను తెలుగు ప్రేక్షకులు మర్చిపోయారని కోలీవుడ్ మీడియాలో కథనాలు కూడా వచ్చాయి. ఇదిలా ఉండగా.. సూర్య ప్రస్తుతం సుధా కొంగరా డైరెక్షన్ లో ఇటీవల 'ఆకాశమే నీ హద్దురా' సినిమాను పూర్తి చేసిన సూర్య నెక్స్ట్ వెట్రిమారన్ డైరెక్షన్లో మరో సినిమాను స్టార్ట్ చేయనున్నాడట. ఆ సినిమా అనంతరం శివ డైరెక్షన్ లో కూడా ఒక సినిమాను స్టార్ట్ చేయనున్నట్లు టాక్. అలాగే ఓ వైపు త్రివిక్రమ్ ఎన్టీఆర్ తో సినిమా చేయనున్నాడు. మరి ఇంత బిజీ షెడ్యూల్లో తెలుగు సినిమాను ఎప్పుడు స్టార్ట్ చేస్తారో చూడాలని సినీవర్గాల టాక్.