త్రివిక్రమ్.. నితిన్ ముఖం చూపించాడోచ్

‘అ..ఆ’ ఫస్ట్ లుక్ పోస్టర్లో నితిన్ ముఖం చూపించకపోవడంపై చాలా బాధపడిపోయారు అతడి అభిమానులు. ఈ విషయంలో నితిన్ కూడా నొచ్చుకున్నట్లు కూడా రూమర్లు వినిపించాయి. ఐతే ఆ పోస్టర్లో సమంత ముఖం కూడా మసకమసగ్గానే కనిపించిందన్న సంగతి మరువరాదు. కాస్త వెరైటీగా ఉండాలని ఆ పోస్టర్ అలా డిజైన్ చేయించాడేమో త్రివిక్రమ్. ఆ పోస్టర్ సంగతలా వదిలేస్తే నితిన్ అభిమానుల చింత తీర్చే కొత్త పోస్టర్ ఈ రోజు బయటికి వచ్చేసింది. ఇవాళ నితిన్ బాబు పుట్టిన రోజు. ఈ సందర్భంగా నితిన్‌ ముఖాన్ని నిండుగా చూపించే క్యూట్ పోస్టర్ ఒకటి రిలీజ్ చేసి.. అతడికి బర్త్ డే విషెస్ చెప్పింది ‘అ..ఆ’ టీమ్.

టీషర్టులో చాలా అందంగా ఉన్నాడు నితిన్ ఈ పోస్టర్లో. దీంతో పాటు ఫస్ట్ లుక్ పోస్టర్లో నితిన్ బ్యాక్ నుంచి కనిపించాడే.. అదే గెటప్ లో ఫ్రంటు నుంచి కనిపించేలా ఇంకో పోస్టర్ కూడా రిలీజ్ చేశారు. మొత్తానికి అది కూడా బాగానే ఉందిలెండి. ఈ పోస్టర్ చూస్తే సినిమా కొంచెం విలేజ్ బ్యాక్ డ్రాప్ లోనూ సాగుతుందేమో అనిపిస్తోంది. మేలో సినిమా రిలీజ్ అన్న సంగతి కూడా ఈ పోస్టర్లలో కన్ఫమ్ చేశారు. ఏప్రిల్ రెండో వారంలో ‘అ..ఆ’ ఆడియో రిలీజ్ కాబోతోంది. మే 6న రిలీజ్ కు ప్లాన్ చేస్తున్నారు. నితిన్ ఆనంద్ విహారిగా.. సమంత అనసూయ రామలింగంగా కనిపిస్తున్న ఈ చిత్రంలో మలయాళీ భామ అనుపమ పరమేశ్వరన్ కూడా మరో హీరోయిన్ గా నటిస్తోంది. మిక్కీ జే మేయర్ సంగీతాన్నందిస్తున్న ఈ చిత్రానికి సూర్యదేవర నాగవంశీ నిర్మాత.