ఇండ‌స్ట్రీ హిట్ త‌రువాత కూడా క్లారిటీ ఇవ్వని స్టార్ డైరెక్టర్..!

టాలీవుడ్ స్టార్ డైరెక్టర్స్ లో ఒకరైన త్రివిక్రమ్ శ్రీనివాస్ ఈ ఏడాది ప్రారంభంలో 'అల వైకుంఠపురంలో' సినిమాతో సూపర్ హిట్ అందుకున్నాడు. అల్లు అర్జున్ - పూజా హెగ్డే హీరోహీరోయిన్లుగా నటించిన ఈ సినిమా ఇండస్ట్రీలో హిట్ గా నిలిచింది. ఈ సినిమా తర్వాత బన్నీ.. సుకుమార్ దర్శకత్వంలో 'పుష్ప' అనే పాన్ ఇండియా సినిమాతో పాటు కొరటాల శివ తో ఓ సినిమా అనౌన్స్ చేసాడు. అలానే 'అల..' సినిమా విజయంలో కీలక పాత్ర పోషించిన అద్భుతమైన సంగీతం అందించిన థమన్.. వరుస సినిమాలతో బిజీగా మారిపోయాడు. ప్రొడ్యూసర్స్ సైతం క్రేజీ ప్రాజెక్ట్స్ లైన్ లో పెడుతున్నారు. అయితే డైరెక్టర్ త్రివిక్రమ్ శ్రీనివాస్ మాత్రం తదుపరి సినిమాపై ఇంకా క్లారిటీ ఇవ్వడం లేదు.

నిజానికి యంగ్ టైగర్ ఎన్టీఆర్ తో నెక్స్ట్ సినిమా ప్రకటించాడు త్రివిక్రమ్. హాసిని అండ్ హారిక ఎంటర్టైన్మెంట్స్ మరియు ఎన్టీఆర్ ఆర్ట్స్ బ్యానర్ పై ఈ చిత్రం రూపొందనుందని వెల్లడించారు. తారక్ 'ఆర్.ఆర్.ఆర్' సినిమా పూర్తి చేసిన వెంటనే ఈ సినిమా షూట్ స్టార్ట్ చేస్తారని అందరూ అనుకున్నారు. అయితే అదే సమయంలో కరోనా మహమ్మారి రావడంతో ప్లాన్స్ అన్నీ తారుమారు అయ్యాయి. దీంతో పది నెలలుగా త్రివిక్రమ్ సినిమా సెట్స్ పైకి వెళ్ళలేదు. ఆర్.ఆర్.ఆర్ ఇంకా లేట్ అవుతుండటంతో త్రివిక్రమ్ మరో ప్రాజెక్ట్ కి షిఫ్ట్ అవ్వాలని ఆలోచిస్తున్నట్లు వార్తలు వచ్చాయి. యువ హీరో రామ్ పోతినేని తో త్రివిక్రమ్ ఓ సినిమా చేయనున్నాడనే న్యూస్ ఫిల్మ్ సర్కిల్స్ లో చక్కర్లు కొడుతోంది. అయితే త్రివిక్రమ్ మాత్రం ఎన్టీఆర్ తో ఎనౌన్స్ చేసిన సినిమా చేద్దామా.. లేదా రామ్ తో చేద్దామా అనే డైలామాలో ఉన్నాడట. కాకపోతే త్రివిక్రమ్ కి స్రవంతి ర‌వికిషోర్ మీదున్న గౌర‌వంతో రామ్ తో సినిమా చేయ‌డానికి ఒప్పుకోవ‌చ్చని సినీ వర్గాల్లో టాక్ నడుస్తోంది.