త్రివిక్ర‌మ్ ప్రొడ‌క్ష‌న్ మొద‌లెట్ట‌డ‌ట‌

సీత క‌ష్టాలు సీత‌వి, పీత క‌ష్టాలు పీత‌వి! ఎవ‌రికి న‌చ్చిన‌ట్టు వాళ్లుంటారు. ఏదో కొలీగ్ సినిమాలు నిర్మిస్తున్నాడు క‌దా ! అని పెట్టుబ‌డుల‌తో వ‌చ్చి చేతులు కాల్చుకోవ‌డం అవ‌స‌ర‌మా? అనుకుంటున్నాడుట స్టార్ డైరెక్ట‌ర్ త్రివిక్ర‌మ్ శ్రీ‌నివాస్‌. తీరా ప్రొడ‌క్ష‌న్ ప్రారంభించాక ప‌రిస్థితులు అనుకూలింక‌పోతే డ‌బ్బు కాలి బూడిదైపోయిన‌ట్టే క‌దా! అని త్రివిక్ర‌మ్ అభిప్రాయ ప‌డుతున్నారుట‌. సుకుమార్ ప్రొడ‌క్ష‌న్‌ లోకి వ‌చ్చాడ‌నో, ప్ర‌భాస్ స్నేహితుల కంపెనీలో పెట్టుబ‌డులు పెడుతున్నాడ‌ని .. అది చూసి తాను కూడా సినిమాలు తీసేయాల‌ని అనుకోవ‌డం లేదుట‌.

ఇటీవ‌లి కాలంలో ద‌ర్శ‌కులే నిర్మాత‌లు అవుతున్న ట్రెండ్ కొన‌సాగుతోంది. హీరోలు కూడా నిర్మాత‌లుగా రాజ్య‌మేలేస్తున్నారు. అయినంత మాత్రాన త‌న‌కి తెలియ‌ని రంగంలో పెట్టుబ‌డులు ఎందుకు పెట్టాలి? అని త్రివిక్ర‌మ్ భావిస్తున్నాడు. వాస్త‌వానికి త్రివిక్ర‌మ్ త్వ‌ర‌లోనే నిర్మాత అవుతున్నార‌ని అదే విష‌యాన్ని త‌న స‌న్నిహితులు, అసిస్టెంట్ల వ‌ద్ద ప్ర‌స్థావించార‌ని వార్త‌లొచ్చాయి. కానీ ఇప్పుడు ఆ ఆలోచ‌నే విర‌మించుకున్నాడ‌ని చెబుతున్నారు.

త్రివిక్ర‌మ్‌ నిర్మాత అవ్వ‌డు కానీ, త‌న మెంటార్ ప్రొడ్యూస‌ర్ రాధాకృష్ణ త‌న‌యుడు నిర్మాత‌గా ఎద‌గ‌డానికి త‌న వంతు సాయం చేస్తున్నాడుట‌. రాధాకృష్ణ త‌న‌యుడు నాగ‌చైత‌న్య హీరో గా ప్రేమ‌మ్ చిత్రాన్ని రీమేక్ చేస్తున్న సంగ‌తి తెలిసిందే. ఈ చిత్రానికి త్రివిక్ర‌మ్ సాయం చేస్తున్నాడుట‌. సేమ్ టైమ్ నితిన్ హీరోగా స్వీయ‌ద‌ర్శ‌క‌త్వంలోని సినిమాపైనా త్రివిక్ర‌మ్ కాన్‌ స‌న్‌ ట్రేట్ చేస్తున్నాడు. ఈ సినిమా త‌ర్వాత మ‌హేష్‌ - ప‌వ‌న్‌ క‌ల్యాణ్‌ - సూర్య లాంటి హీరోలు లైన్‌ లో ఉన్న సంగ‌తి తెలిసిందే.