మాంత్రికుడు మాయ.. నితిన్ ఫ్యాన్స్ గోల

టాలీవుడ్ కుర్ర హీరోల్లో టాప్ ప్లేస్ లో ఉంటాడు నితిన్. స్టార్ హీరోకు ఏ మాత్రం తీసిపోని స్థాయిలో ఫాలోయింగ్ ఉన్న నితిన్.. ఆ మెట్టు ఎక్కడం కోసం త్రివిక్రమ్ శ్రీనివాస్ తో జతకట్టాడు. అసలు అ..ఆ.. మూవీ స్టార్టింగ్ సమయంలోనే ఫిమేల్ రోల్ కి ఇంపార్టెన్స్ ఉండే స్టోరీ అనే విషయం తెలిసిందే. అయినా సరే.. చేసేందుకు సిద్ధమయ్యాడు నితిన్. దాదాపు ఆరేడు నెలల పాటు షూటింగ్ చేసిన తర్వాత ఇప్పటికి ఓ ఫస్ట్ లుక్ ఇచ్చారు ఈ మూవీ కోసం.

అయితే.. ఈ పోస్టర్ లో గుర్రపు బండిలో వెళ్తున్న సమంత కనిపిస్తుంది తప్ప.. నితిన్ కనిపించడు. ఉన్నా వెనుకవైపు తిరిగుంటాడు తప్ప - ఫేస్ మాత్రం కనిపించదు. దీంతో నితిన్ ఫ్యాన్స్ బాగా హర్ట్ అయ్యారు. అసలు అ..ఆ.. స్టార్ట్ చేసినప్పటి నుంచి ఇది త్రివిక్రమ్ మూవీ అనే ప్రచారం తప్ప, ఎక్కడా నితిన్ ప్రాజెక్ట్ అనే రకంగా ప్రచారం జరగడం లేదు. ఇది కూడా నితిన్ అభిమానులు ఫీలవడానికి ఒక కారణంగా చెబుతున్నారు. మాటల మాంత్రికుడు మాయ చేసేసి, తమ హీరోకి ఇంపార్టెన్స్ ఇవ్వడం లేదని నితిన్ ఫ్యాన్స్ గోలపెట్టేస్తున్నారు.

స్టోరీ ప్రకారమే మూవీకి హైప్ తెచ్చేందుకు ఇలా పబ్లిసిటీ చేస్తున్నారనే వాదన కూడా వినిపిస్తోంది. మరోవైపు నితిన్ మాత్రం తన బాధ్యతగా.. ప్రతీ అప్ డేట్ కి సంబంధించి ట్వీట్స్ చేస్తున్నాడు. ఏదైనా ఫీలింగ్ ఉంటే నితిన్ ఎక్స్ ప్రెస్ చేస్తాడు కదా అంటున్నారు.