మ‌ళ్లీ మ‌ళ్లీ అత్తారింటినే తీస్తాడా?

త్రివిక్ర‌మ్ శ్రీ‌నివాస్ ఓ సినిమా తీస్తున్నాడు అంటే అభిమానుల్లో భారీ అంచ‌నాలుంటాయి. ఇప్పుడున్న ట్యాలెంటెడ్ డైరెక్ట‌ర్ల‌లో టాప్-5 లో ఉండే డైరెక్ట‌ర్‌ గా అత‌డికి గుర్తింపు ఉంది. అందుకే అత‌డు ఓ సినిమాకి స‌న్నాహాలు చేస్తున్నాడు అన‌గానే ప‌రిశ్ర‌మ వ‌ర్గాల‌తో పాటు కామ‌న్ ఆడియెన్‌ లోనూ క్యూరియాసిటీ పెరుగుతుంది. అయితే ఇప్ప‌టివ‌ర‌కూ అత‌డు మ‌హేష్‌ - ప‌వ‌న్ క‌ల్యాణ్‌ - బ‌న్ని లాంటి స్టార్ హీరోలతోనే సినిమాలు తీశాడు. కానీ ఈసారి రూటు మార్చి కుర్ర‌హీరో నితిన్‌ తో సినిమా తీస్తున్నాడు.

త్రివిక్ర‌మ్ ద‌ర్శ‌క‌త్వంలో నితిన్ అన‌గానే అంద‌రికీ ఒక‌టే షాకింగ్‌. నితిన్‌ ని త్రివిక్ర‌మ్ ఎలా చూపించ‌బోతున్నాడు? అత‌డి ఏజ్‌కి త‌గ్గ‌ట్టే యూత్‌ ఫుల్ కంటెంట్‌ తో తీస్తున్నాడా? అత‌డిని ల‌వ‌ర్‌ బోయ్‌ గానే చూపిస్తున్నాడా? అన్న డిష్క‌స‌న్ సాగింది. ఇటీవ‌లి కాలంలో అత‌డు తీస్తున్న సినిమాల‌న్నీ ఫ్యామిలీ కంటెంట్‌ తో కూడుకున్న‌వే .. మిన‌హా యూత్‌ ని కిక్కెక్కించే కంటెంట్ వీటిల్లో లేనేలేదు. ఓ ప‌క్కా లవ్‌ స్టోరీని తెర‌కెక్కించిందే లేదు. కాబ‌ట్టి ఈసారి రూట్ మారుస్తాడ‌నే అనుకున్నారు. కానీ ఇప్పుడు త్రివిక్ర‌మ్ ఎంచుకుంటున్న న‌టీన‌టుల్ని బ‌ట్టి అత‌డు మ‌రో అత్తారింటికి దారేది తీసేట్టే ఉన్నాడ‌ని కామెంట్లు వినిపిస్తున్నాయి. రెగ్యుల‌ర్ టైపిక‌ల్ స్టోరీనే సినిమా గా తీస్తున్నాడేమో న‌న్న అనుమానాలు వ్య‌క్తం చేస్తున్నారు. ఇప్ప‌టికే అత్తారింటికి దారేది ఫేం న‌దియాని ఓ పాత్ర‌కి ఎంచుకున్నాడు. పైగా అత్త‌గారి కూతురిగా న‌టించిన స‌మంత‌నే ఈ చిత్రంలో ప్ర‌ధాన నాయిక‌. ఇలాంట‌ప్పుడు ఈ కాంబినేష‌న్‌ ని చూడ‌గానే అత్తారిల్లు ఆడియెన్‌ కి స్ర్ట‌యిక్ అవ్వ‌డం ఖాయం.

ఒక‌వేళ అత్త‌ను ఆట‌ప‌ట్టించే అల్లుడిని అయినా చూపిస్తాడా? అంటే ఏమో .. అలా యూట‌ర్న్ తీసుకున్నా బాగానే ఉంటుంది. సింపుల్‌ గా అత్త‌కు య‌ముడు అమ్మాయికి మొగుడు సినిమాని కాపీ కొట్టి నితినికి అప్ల‌య్ చేసినా వ‌ర్క‌వుట‌వుతుందేమో! ఇలాంటి ఆలోచ‌న ఏదైనా చేశాడేమో అని డౌట్లొస్తున్నాయ్‌. త్రివిక్ర‌మే ఈ సందేహాల‌న్నీ తీర్చాలి.