ఆమె బిగ్ బాస్ లో అవసరమా?

మాటల మాంత్రికుడు త్రివిక్రమ్ శ్రీనివాస్ ఎప్పుడూ వివాదాలకు దూరంగానే ఉంటాడు. తన పనేదో తాను చేసుకుపోవడం తప్ప ఇతర అంశాల జోలికిపోడు. తన సినిమాకు సంబంధించి ఏదన్నా వివాదం తలెత్తినా అక్కడికక్కడే పుల్ స్టాప్ పెట్టేయడానికి చూస్తుంటాడు. ‘అ..ఆ’ సినిమా యద్దనపూడి సులోచనారాణి నవల మీనాను కాపీ కొట్టి తీశాడనే ఆరోపణ వచ్చినా దానికి వెంటనే వివరణ ఇచ్చి ఆ వివాదానికి ముగింపు పలికేశాడు.

త్రివిక్రమ్ లేటెస్ట్ సినిమా ‘అ..ఆ’లో హీరోయిన్ పక్కన కనిపించిన సీరియల్ యాక్టర్ హరితేజకు మంచి గుర్తింపే వచ్చింది. ఆ సినిమాలో ఆమె డైలాగ్ డెలివరీ ప్రేక్షకులను బాగా ఆకట్టుకుంది. అందుకే పవన్ కళ్యాణ్ తో తీస్తున్న నెక్ట్స్ సినిమాలోనూ ఆమెకు అవకాశమిచ్చాడు. ఇప్పటికి ఆమె నటించే సీన్స్ షూటింగ్ కొన్ని పూర్తి చేశాడు కూడా. ఇలాంటి టైంలో హరితేజ బిగ్ బాస్ షోలో కంటెస్టెంట్ గా ఎంపికైంది. ఈ షోలో కంటెస్టెంట్లు 70 రోజుల పాటు బిగ్ బాస్ హౌస్ లోనే ఉండాలి. దీంతో పవన్ సినిమా షూటింగ్ కు అవసరమైన రోజుల్లో హరితేజ అందుబాటులో ఉండటం కష్టమవుతోంది.

దీనికితోడు బిగ్ బాస్ షోలో కంటెస్టెంట్ల మధ్య సహజంగానే వివాదాలు తలెత్తుతాయి. వీటిల్లో కొన్ని కాంట్రవర్సీలుగానూ మారిపోతాయి. హరితేజ ఏదన్నా కాంట్రవర్సీల్లో చిక్కుకుంటే దాని ప్రభావం త్రివిక్రమ్ తీసే సినిమాపైనా పడొచ్చు. అందువల్ల ఆమె బిగ్ బాస్ లో పాల్గొనకుండా ఉంటే బాగుండేదనేది త్రివిక్రమ్ ఫీలింగ్. అసలు కాంట్రవర్సీలు క్రియేట్ అయ్యే బిగ్ బాస్ వంటి షోలపైనే త్రివిక్రమ్ పాజిటివ్ ఫీలింగ్ లేదు. హరితేజ ఎలాంటి వివాదాలు లేకుండా బయటకు వచ్చేస్తే అందరికన్నా త్రివిక్రమ్ హ్యాపీగా ఫీలయ్యే అవకాశముంది.