ఎన్టీఆర్ కమిట్మెంటే వేరు: త్రివిక్రమ్

యంగ్ టైగర్ ఎన్టీఆర్ - త్రివిక్రమ్ శ్రీనివాస్ కాంబినేషన్ లో ఒక సినిమా రావాలని చాలామంది ప్రేక్షకులు కోరుకున్నారు గానీ ఎందుకో అది ఇప్పటికి గానీ కార్యరూపం దాల్చలేదు. మరో రెండు రెండు రోజుల్లో ఎన్టీఆర్ - త్రివిక్రమ్ కాంబో 'అరవింద సమేత' ప్రేక్షకుల ముందుకు రానుంది. ఇక ప్రమోషన్స్ కూడా జోరుగా సాగుతున్నాయి. ఎన్టీఆర్ తో పాటు త్రివిక్రమ్ కూడా ఇంటర్వ్యూలలో పాల్గొంటూ ప్రేక్షకులతో సినిమా విశేషాలు పంచుకుంటున్నారు.

ఈ సందర్భంగా త్రివిక్రమ్ తన హీరోపై ప్రశంసల జల్లు కురిపిస్తున్నాడు. ఎన్టీఆర్ తో పనిచేయడం ఎలా ఉంటుంది అంటే తన స్టైల్ లో "100 కిలోమీటర్ల వేగంతో కారు దూసుకుపోతున్నప్పుడు.. ఆ ప్రయాణాన్ని ఆస్వాదించాలి.. అంతే తప్ప బ్రేకులు వేయకూడదు" అన్నాడు. "సాధారణ పరిస్థితుల్లో షూటింగ్ కు సమయానికి రావడం వేరు.. ప్రత్యేక పరిస్థితుల్లో(హరికృష్ణగారి మరణం తర్వాత బాధలో ఉన్నప్పుడు) షూటింగ్ కు సమయానికి హాజరవడం వేరు. అయన సెట్స్ లోకి రాగానే పరిస్థితి మారిపోయేది. అంత కమిట్ మెంట్ తో స్టార్ హీరో ఉన్నప్పుడు సెట్ లో ఉండే మిగతావారికి ఎంతో ఇన్ స్పిరేషన్ వస్తుంది. మరింత సిన్సియర్ గా పనిచేయాలనే ఆలోచనతో ఉంటారు" అన్నాడు.

అంతే కాదు ఎన్టీఆర్ కమిట్ మెంటే వేరన్నాడు. ఒక స్టార్ హీరో అయి ఉండి కూడా షూటింగ్ టైమ్ ఎప్పుడో కనుక్కుని ఆ సమయానికి మేకప్ తో రావాలా... మేకప్ లేకుండా అయితే ఎంత ముందుగా రావాలని దర్శకుడిని.. యూనిట్ సభ్యులను స్వయంగా కనుక్కునేవాడని.. అది ఎన్టీఆర్ గొప్పదనం అని చెప్పాడు. మొత్తానికి ఎన్టీఆర్ తన కమిట్మెంట్ తో గురూజీని క్లీన్ బౌల్డ్ చేసినట్టున్నాడు.