కొత్త కెరీర్ ప్రారంభిస్తున్న మాంత్రికుడు

ఇప్పటివరకూ చాలామంది దర్శకులు సినిమా నిర్మాణంలో భాగం అయ్యారు. కొందరైతే నేరుగా తామే నిర్మాతలుగా మారిపోయారు కూడా. కానీ మాటల మాంత్రికుడు త్రివిక్రమ్ మాత్రం ఇప్పటివరకూ ఇటువైపు అడుగులు వేయలేదు. మాటలు-దర్శకత్వంపై మినహాయిస్తే.. వేరే వాటిపై దృష్టి పెట్టలేదు. కానీ ఇప్పుడో చిన్న సినిమాతో త్రివిక్రమ్ కూడా నిర్మాతగా మారి.. సినీ రంగంలోనే కొత్త కెరీర్ స్టార్ట్ చేస్తున్నాడు.

నందినీ రెడ్డి తీయబోయే ఓ చిత్రాన్ని త్రివిక్రమ్ శ్రీనివాస్ నిర్మించడం దాదాపుగా ఖాయం అంటున్నారు ఫిలింనగర్ జనాలు. ఈ మూవీలో పెళ్లిచూపులు ఫేమ్ విజయ్ దేవరకొండ హీరోగా నటించనున్నాడు. నిజానికి ఈ సబ్జెక్ట్ ను తీసుకుని సూర్యదేవర రాధాకృష్ణను అప్రోచ్ అయింది నందినీ రెడ్డి. రాధాకృష్ణతో మాంచి స్నేహం ఉన్న త్రివిక్రమ్ కూడా ఆ సమయంలో అక్కడే ఉన్నాడు. దీంతో ఒకేసారి ఇద్దరూ ఈ స్టోరీ వినడానికి వీలు కుదిరింది. స్టోరీతో పాటు నందినీరెడ్డి ఇచ్చిన నేరేషన్ కూడా సూపర్ గా నచ్చడంతో.. తనే ఈ చిత్రాన్ని నిర్మిస్తాననే ప్రపోజల్ తెచ్చాడట త్రివిక్రమ్.

ప్రస్తుతం విజయ్ దేవరకొండ కమిట్మెంట్స్ పూర్తవగానే నందినీ రెడ్డి దర్శకత్వంలో త్రివిక్రమ్ నిర్మాణంలో సినిమా షూటింగ్ ప్రారంభం కానుంది. స్టార్ డైరెక్టర్ ప్రొడక్షన్ అంటే.. మూవీకి ఆటోమేటిగ్గా హైప్ వచ్చేస్తుందనే.. చిన్న సినిమా అయినా ఎక్స్ పెక్టేషన్స్ తో పాటు హైప్ పెరుగుతుందనే ఇలా డిసైడ్ అయినట్లు టాక్.

Like Us on Facebook : https://www.facebook.com/Tupakidotcom/