నిన్న త‌మ‌న్..ఇప్ప‌డు దేవీని ఆడేసుకుంటున్నారు!

ఈ మ‌ధ్య మెగాస్టార్ చిరంజీవి న‌టించిన ప్ర‌తీ మూవీ ట్రోలింగ్ కు గుర‌వుతోంది. ఓ సినిమా ద‌ర్శ‌కుడి కార‌ణంగా ట్రోలింగ్ కి గురైతే మ‌రో సినిమా మ్యూజిక్ డైరెక్ట‌ర్ కార‌ణంగా అడ్డంగా నెట్టింట బుక్ అవుతూ ట్రెండ్ అవుతోంది. చిరు న‌టించిన 'ఆచార్య‌' వీఎఫ్ ఎక్స్‌, కంటెంట్ కార‌ణంగా ద‌ర్శ‌కుడు కొర‌టాల శివ‌ని ట్రోల్ చేసిన విష‌యం తెలిసిందే. సోష‌ల్ మీడియా ప్ర‌భావం మొద‌లైన ద‌గ్గ‌రి నుంచి ప్ర‌తీ విష‌యాన్ని నెటిజ‌న్ లు పాయింట్ ఔట్ చేస్తున్న నేప‌థ్యంలో వ‌రుస‌గా చిరు సినిమాలు ట్రోల్ గుర‌వుతుండ‌టం ఆస‌క్తిక‌రంగా మారింది.

కొర‌టాల కార‌ణంగా 'ఆచార్య‌'ని ట్రోల్ చేసిన నెటిజ‌న్ లు ఆ త‌రువాత త‌మ‌న్ కార‌ణంగా 'గాడ్ ఫాద‌ర్‌' మూవీనిని కార్న‌ర్ చేశారు. ఈ మూవీ కోసం త‌మ‌న్ కంపోజ్ చేసి మ్యూజిక్ 'గ‌ని' మ్యూజిక్ ని పోలి వుండ‌టంతో నెటిజ‌న్ లు త‌మ‌న్ ని ఓ రేంజ్ లో ఆడేసుకున్నారు. కాపీ మ్యూజిక్ ని బాస్ సినిమాకు యాజిటీజ్ గా వాడేస్తావా అంటూ ట్రోల్ చేశారు. ఆ త‌రువాత కూడా 'గాడ్ ఫాద‌ర్‌' మ్యూజిక్ విష‌యంలో నెట్టింట ఓ రేంజ్ లో ట్రోలింగ్ సాగింది.

ఇప్ప‌డు 'వాల్తేరు వీర‌య్య' వంతు వ‌చ్చేసింది. చిరు న‌టిస్తున్న ఈ మూవీని బాబి డైరెక్ట్ చేస్తున్న విష‌యం తెలిసిందే. మైత్రీ మూవీ మేక‌ర్స్ వారు అత్యంత భారీ స్థాయిలో నిర్మిస్తున్న ఈ మూవీ 2023 సంక్రాంతికి భారీ స్థాయిలో రిలీజ్ కాబోతోంది. శృతిహాస‌న్ హీరోయిన్ గా న‌టిస్తున్న ఈ మూవీలోని కీల‌క అతిథి పాత్ర‌లో మాస్ మ‌హారాజా ర‌వితేజ న‌టిస్తుండ‌గా అత‌ని జోడీగా కేథ‌రిన్ క‌నిపించ‌బోతోంది. సినిమా రిలీజ్ కి మ‌రో నెల రోజులు మాత్ర‌మే వుండ‌టంతో ఈ మూవీ ప్ర‌మోష‌న్స్ ని లిరిక‌ల్ వీడియోలతో మొద‌లు పెడుతున్నారు.

ఈ మూవీకి దేవిశ్రీ‌ప్ర‌సాద్ సంగీతం అందిస్తున్నారు. ఫ‌స్ట్ సింగిల్ గా ఈ మూవీ నుంచి 'బాస్ పార్టీ' అంటూ ఓ అదిరిపోయే మాస్ బీట్ పార్టీ సాంగ్ ని రిలీజ్ చేయ‌బోతున్నారు. బాలీవుడ్ హాలీ ఊర్వ‌శీ రౌతేలా చిరుతో క‌లిసి చిందేసిన ఈ సాంగ్ కి సంబంధించిన ప్రోమోని రీసెంట్ గా మంగ‌ళ‌వారం విడుద‌ల చేశారు. దేవిశ్రీ‌ప్ర‌సాద్ హ‌మ్ చేస్తున్న క్లిప్.. బాస్ ఎంట్రీ విజువ‌ల్స్ తో రిలీజ్ చేసిన ప్రోమోపై ప్ర‌స్తుతం నెట్టింట నెటిజ‌న్స్ ఓ రేంజ్ లో ట్రోల్ చేయ‌డం మొద‌లు పెట్టారు.

సాంగ్ ఏంటీ ఇలా వుందంటూ పెద‌వి విరుస్తూ మీమ్స్ వ‌దులుతున్నారు. ఈ సాంగ్ ని బుధ‌వారం సాయంత్రం 4:05 నిమిషాల‌కు రిలీజ్ చేయ‌బోతున్నారు. పాట రాకుండానే ప్రోమోపై ఇలా విరుచుకుప‌డుతున్నారేంట‌ని మెగా ఫ్యాన్స్‌ వాపోతున్నారు. ఈ పాట ఆక‌ట్టుకోలేక‌పోతె దేవీని మ‌రింత‌గా నెటిజ‌న్ లు ఆడుకోవ‌డం ఖాయం అని తెలుస్తోంది. బాల‌య్య సినిమాకు త‌మ‌న్ సంగీతం అందిస్తున్న నేప‌థ్యంలో సంక్రాంతి బ‌రిలో చిరు - బాల‌య్య సినిమాలు పోటీప‌డుతున్నాయి కాబ‌ట్టి ఒక‌రి సినిమాని మించి మ‌రొక‌రి సినిమా సంగీతం ఉండాల‌ని ఫ్యాన్స్ కోరుకుంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.