'మేడ‌మ్' స‌న్నీపై ట్రోలింగ్!

సినీ - క్రీడా ప్ర‌ముఖుల‌తో పాటు కొంత‌మంది ప్ర‌ముఖుల మైన‌పు విగ్ర‌హాలు ప్ర‌ఖ్యాత మేడ‌మ్ టుస్సాడ్స్ మ్యూజియంలో కొలువుదీరిన సంగ‌తి తెలిసిందే. అమితాబ్ బ‌చ్చ‌న్ - షారుక్ ఖాన్ - స‌ల్మాన్ ఖాన్ - విరాట్‌ కోహ్లి - అనిల్‌ కపూర్‌ వంటి సెల‌బ్రిటీల‌ విగ్ర‌హాలు ఆ మ్యూజియంలో ఉన్నాయి. ఈ క్ర‌మంలోనే మంగ‌ళ‌వారం నాడు బాలీవుడ్ న‌టి...స‌న్నీలియోన్ విగ్ర‌హం కూడా ఢిల్లీలోని టుస్సాడ్స్ మ్యూజియంలో ఏర్పాటు చేశారు. స‌న్నీ మైనపు విగ్రహం నేడు ఆ ప్ర‌తిష్టాత్మ‌క మ్యూజియంలో కొలువుదీరింది. ఆ విగ్ర‌హ ఆవిష్క‌ర‌ణ కార్య‌క్ర‌మానికి స‌న్నీతోపాటు ఆమె బ‌ర్త డానియల్‌ వెబర్‌ కూడా హాజ‌ర‌య్యారు. త‌న మైన‌పు బొమ్మ ద‌గ్గ‌ర నిలుచొని...స‌న్నీ సెల్ఫీలు కూడా దిగింది. ఈ ఫొటోలు సోష‌ల్ మీడియాలో వైర‌ల్ అయ్యాయి. అయితే, అక్క‌డి స‌న్నీ విగ్ర‌హంపై నెటిజ‌న్లు నెగెటివ్ కామెంట్స్ పెడుతున్నారు.

త‌న గ‌త జీవితం త‌న‌ను వెంటాడుతోంద‌ని...పోర్న్ స్టార్ గా త‌న గ‌తాన్ని తాను మ‌ర‌చిపోయేందుకు ప్ర‌య‌త్నిస్తున్నాన‌ని స‌న్నీ ప‌లు సంద‌ర్భాల్లో చెప్పిన సంగ‌తి తెలిసిందే. ఇపుడు తానో న‌టిగా ...త‌ల్లిగా రెండు పాత్ర‌లు నిర్వ‌హిస్తున్నాన‌ని స‌న్నీ చెప్పింది. అటువంటి మాట‌లు చెబుతోన్న స‌న్నీ....టుస్సాడ్స్ లో ఏర్పాటు చేసిన విగ్ర‌హం...అస‌భ్య‌క‌రంగా ఉన్నా ఎందుకు అంగీక‌రించిందంటూ నెటిజ‌న్లు ట్రోల్ చేస్తున్నారు. ఆ విగ్ర‌హం కోసం సన్నీ ఇచ్చిన భంగిమ పోర్న్ స్టార్ ను గుర్తుకు తెస్తోంద‌ని...ఆ విగ్ర‌హంలో సన్నీ ధ‌రించిన డ్రెస్ కూడా అస‌భ్య‌క‌రంగా ఉంద‌ని కామెంట్స్ పెడుతున్నారు. ఆ విగ్ర‌హం న‌మూనాకు స‌న్నీ అంగీక‌రించాల్సింది కాద‌ని ట్రోల్ చేస్తున్నారు. త‌న గ‌తాన్ని మ‌ర‌చిపోవాలుకున్న సన్నీ...త‌న గ‌తాన్ని ప్ర‌తిబింబించేలా ఉన్న విగ్ర‌హం పెట్టేందుకు ఎలా ఒప్పుకుంద‌ని విమ‌ర్శ‌లు గుప్పిస్తున్నారు.