బాల‌య్య అప్ డేట్ ఇస్తే.. మండిప‌డుతున్న బ‌న్నీ ఫ్యాన్స్!

'అఖండ‌'తో మ‌ళ్లీ ట్రాక్ లోకి వ‌చ్చేసిన నంద‌మూరి బాల‌కృష్ణ అదే ఊపుతో గోపీచంద్ మ‌లినేని డైరెక్ష‌న్ లో NBK 107 ప్రాజెక్ట్ ని చేస్తున్న విష‌యం తెలిసిందే. శృతిహాస‌న్ హీరోయిన్ గా న‌టిస్తున్న ఈ మూవీని మైత్రీ మూవీ మేక‌ర్స్ బ్యాన‌ర్ పై అత్యంత భారీ స్థాయ‌లో నిర్మిస్తున్నారు. హై ఓల్టేజ్ యాక్ష‌న్ ఎంటర్ టైన‌ర్ గా రూపొందుతున్న ఈ మూవీ కోసం హీరో బాల‌కృష్ణ ఫ్యాన్స్ ఆస‌క్తిగా ఎదురుచూస్తున్న వేళ మైత్రీ మూవీ మేక‌ర్స్ NBK 107 నుంచి బ్లాస్టింగ్ అప్ డేట్ ఇస్తున్నామంటూ ప్ర‌క‌టించారు.

నంద‌మూరి బాల‌కృష్ణ కొండారెడ్డి బురుజు వైపు ఓ చెక్క కుర్చీలో కూర్చుని చూస్తున్న పోస్ట‌ర్ ని విడుద‌ల చేసిన మేక‌ర్స్ క‌ర్నూల్ లోని కొండారెడ్డి బురుజు సాక్షిగా ఈ నెల 21న రాత్రి 8:15 నిమిషాల‌కు టైటిల్ పోస్ట‌ర్ ని విడుద‌ల చేస్తూ బ్లాస్టింగ్ అప్ డేట్ ని అభిమానుల‌కు అందించ‌నున్నామంటూ ప్ర‌క‌టించారు. హై ఓల్టేజ్ యాక్ష‌న్ ఎంటర్ టైన‌ర్ గా రూపొందుతున్న ఈ మూవీలో బాల‌య్య‌కు జోడీగా శృతిహాస‌న్ న‌టిస్తున్న విష‌యం తెలిసిందే.

కీల‌క పాత్ర‌ల్లో దునియా విజ‌య్‌, వ‌ర‌ల‌క్ష్మీ శ‌ర‌త్ కుమార్ కీల‌క పాత్ర‌ల్లో న‌టిస్తున్నారు. ఇదిలా వుంటే మైత్రీ మూవీ మేక‌ర్స్ తాజాగాషేర్ చేసిన NBK 107 బ్లాస్టింగ్ అప్ డేట్ ప్ర‌క‌ట‌న‌పై బ‌న్నీ ఫ్యాన్స్ సోష‌ల్ మీడియా వేదిక‌గా మండిప‌డుతున్నారు.

NBK 107 బ్లాస్టింగ్ అప్ డేట్ ప్ర‌క‌ట‌న‌పై బ‌న్నీ ఫ్యాన్స్ మండిప‌డ‌టం ఏంటీ? అన్న‌దే ఇప్ప‌డు ఆస‌క్తిక‌రంగా మారింది. కార‌ణం ఏంటంటే మైత్రీ మూవీ మేక‌ర్స్ వారు అల్లు అర్జున్ హీరోగా స్టార్ డైరెక్ట‌ర్ సుకుమార్ తో 'పుష్ప ది రూల్‌' ని నిర్మించ‌నున్న విష‌యం తెలిసిందే.

ఇటీవ‌ల పూజా కార్య‌క్ర‌మాలు పూర్తి చేసుకున్న ఈ మూవీ రెగ్యుల‌ర్ షూటింగ్ పై ఇంత వ‌ర‌కు మేక‌ర్స్ నుంచి ఎలాంటి అప్ డేట్ రాలేదు. ఇదే బన్నీ ఫ్యాన్స్ ని ఇరిటేట్ చేస్తోంద‌ట‌. 'పుప్ప 2' అప్ డేట్ ఇవ్వ‌కుండా ఇత‌ర హీరోల ప్రాజెక్ట్ ల‌కు సంబంధించిన అప్ డేట్ లు ఇస్తున్నార‌ని, ఎప్పుడు 'పుష్ప 2' అప్ డేట్ ఇస్తారంటూ మైత్రీ వారిపై బ‌న్నీ అభిమానులు సోష‌ల్ మీడియా వేదిక‌గా మండిప‌డుతున్నారు. ఆ కార‌ణంగానే సోష‌ల్ మీడియా వేదిక‌గా మైత్రీ వారిని ట్రోల్ చేస్తున్నారు.

ఇదిలా వుంటే ఇటీవ‌లే అల్లు అర్జున్ పై లుక్ టెస్ట్ ని నిర్వ‌హించిన విష‌యం తెలిసిందే. దానికి సంబంధించిన ఆన్ లొకేష‌న్ స్టిల్ ని తాజాగా బ‌య‌టికి వ‌ద‌ల‌డంతో సినిమా ప్రారంభించ‌డానికి టీమ్ రెడీ అవుతోంద‌ని క్లారిటీ ఇచ్చేసింది. అయితే ఎప్పుడు మొద‌లు పెట్టబోతున్నార‌న్న‌ది మాత్రం మైత్రీ వారి నుంచి అధికారికంగా ప్ర‌క‌ట‌న రావ‌డం లేదు. బ‌న్నీ ఫ్యాన్స్ ఇదే కోరుకుంటున్నారు.




నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.