స్టార్‌ హీరో ఇంటి ‘కవరింగ్‌’ పై ట్రోల్స్‌

సినీ ప్రముఖులను కరోనా భయం వణికిస్తుంది. బాలీవుడ్‌ బిగ్‌ బి అమితాబచ్చన్‌ మరియు అతడి ఫ్యామిలీ కరోనా బారిన పడటంతో సినీ ప్రముఖుల టెన్షన్‌ మరింత ఎక్కువ అయ్యింది. సినీ ప్రముఖులు ఎవరు కూడా అత్యంత ముఖ్యమైన పని ఉంటే తప్ప బయటకు రావడం లేదు. షారుఖ్‌ ఖాన్‌ ఏప్రిల్‌ నుండి కూడా బయటకు రావడం లేదు. ఆయన కుటుంబ సభ్యులు అత్యంత కట్టుదిట్టమైన జాగ్రత్తలు తీసుకుని మరీ కరోనాకు దూరంగా ఉంటున్నారు. ఇక తాజాగా గాలి ద్వారా కరోనా వ్యాప్తి చెందుతుంది అంటూ ప్రచారం జరుగుతున్న నేపథ్యంలో షారుఖ్‌ తన బిల్డింగ్‌ మొత్తంకు పీపీఈ కిట్‌ వేశాడు.

షారుఖ్‌ ఉండే భవనం మొత్తం కూడా రెండు పొరల పాలిథిన్‌ కవర్‌ తో కవరింగ్‌ చేయడం జరిగిందట. వైరస్‌ లోనికి చొచ్చుకు పోకుండా షారుఖ్‌ తీసుకున్న జాగ్రత్తను కొందరు అతి జాగ్రత్త అంటూ ట్రోల్స్‌ చేస్తున్నారు. మరీ ప్రాణం కోసం ఇంత ఆరాటం తగదు అంటూ నెటిజన్స్‌ కామెంట్స్‌ చేస్తున్నారు. మీది ఒక్కరిదేనా ప్రాణం.. జనాలు ఎంత మంది కరోనా బారిన పడుతున్నారో వారికి మీరు చేస్తున్న సాయం ఏంటీ అంటూ ప్రశ్నిస్తున్నారు.

కరోనా నుండి రక్షణ కోసం షారుఖ్‌ చేసిన కవరింగ్‌ ను కొందరు సమర్ధిస్తూ ఉన్నారు. అయితే షారుఖ్‌ సన్నిహితులు కొందరు మాత్రం అలా కవరింగ్‌ భద్రత కారణాల దృష్ట్యా ఎప్పటి నుండో వేస్తున్నారు. అదేమి కొత్తగా చేసిన పని కాదని గతంలో కూడా షారుఖ్‌ ఇంటిని అలా కవరింగ్‌ చేశారంటూ కొందరు అంటున్నారు. అప్పుడు పెద్దగా ప్రచారం జరగలేదు. కాని ఇప్పుడు కరోనా కారణంగా ప్రచారం జరుగుతుంది అంతే అంటూ వారు కవర్‌ చేసే ప్రయత్నం చేస్తున్నట్లుగా అనిపిస్తుంది. మొత్తానికి షారుఖ్‌ ఈ విషయంపై ఎలా స్పందిస్తాడా అంటూ అంతా ఆసక్తిగా ఎదురు చూస్తున్నారు.