న‌న్ను న‌మ్మండి బ్రో..అడివి శేష్ కౌంట‌ర్‌!

'కార్తికేయ 2' త‌నేవాత తెలుగు సినిమాలు ఆ స్థాయిలో బాక్సాఫీస్ వ‌ద్ద సంద‌డి చేయ‌డం లేదు. మెగాస్టార్ న‌టించిన 'గాడ్ ఫాద‌ర్‌' దీపావ‌ళి సంద‌ర్భంగా థియేట‌ర్ల‌లో సంద‌డి చేసినా బాక్సాఫీస్ వ‌ద్ద మాత్రం పెద్ద‌గా ప్ర‌భావాన్ని చూపించ‌లేక‌పోయింది. ఆ త‌ర‌వాత స‌మంత న‌టించిన 'య‌శోద‌' అయినా బాక్సాఫీస్ వ‌ద్ద కొత్త క‌ళ‌ని తీసుకొస్తుంద‌ని ఆశించారు. ఆ స్థాయిలో కాక‌పోయినా ఫ‌ర‌వాలేద‌నిపించింది. అయితే డ‌బ్బింగ్ సినిమాల త‌ర‌హాలో మ‌న సినిమాలు 'కార్తికేయ 2' త‌రువాత సంద‌డి చేయ‌డం లేదు.

ఈ నేప‌థ్యంలో అంద‌రి దృష్ణ ఇప్ప‌డు డిసెంబ‌ర్ 2న విడుద‌ల‌వుతున్న 'హిట్ 2'పై ప‌డింది. క్ష‌ణం నుంచి 'మేజ‌ర్' వ‌ర‌కు వ‌రుస‌గా ఐదు హిట్ ల‌ని త‌న ఖాతాలో వేసుకున్న అడివి శేష్ ఈ మూవీలో హీరోగా న‌టించాడు. 'హిట్' మూవీకి ఫ్రాంచైజీగా నేచుర‌ల్ స్టార్ నాని నిర్మించిన ఈ మూవీకి శైలేష్ కొల‌ను ద‌ర్శ‌క‌త్వం వ‌హించాడు. 'ఖిలాడీ' ఫేమ్ మీనాక్షీ చౌద‌రి హీరోయిన్ గా న‌టించిన ఈ మ‌ర్డ‌ర్ మిస్ట‌రీ థ్రిల్ల‌ర్ కోసం తెలుగు ప్రేక్ష‌కులు ఆస‌క్తిగా ఎదురుచూస్తున్నారు.

టీజ‌ర్‌, ట్రైల‌ర్ ల‌తో ఇప్ప‌టికే భారీ బ‌జ్ క్రియేట్ అయిన ఈ మూవీతో మ‌ళ్లీ టాలీవుడ్ లో స‌రికొత్త హంగామా మొద‌లు కానుంద‌నే సంకేతాలు వినిపిస్తున్నాయి. ఈ నేప‌థ్యంలో ఈ మూవీ మ‌రో రెండు రోజుల్లో థియేట‌ర్ల‌లోకి రాబోతోంది.

ఇదిలా వుంటే మ‌ర్డ‌ర్ మ‌స్ట‌రీ నేప‌థ్యంలో ఒళ్లు గ‌గుర్కొడిచే విజువ‌ల్స్ తో ఓ సైకో కిల్ల‌ర్ క‌థ‌గా రూపొందిన ఈ మూవీపై ప్ర‌స్తుతం సోష‌ల్ మీడియాలో ఓ క్రేజీ న్యూస్ వైర‌ల్ అవుతోంది. ఈ మూవీలో హీరోయిన్ గా న‌టించిన మీనాక్షిచౌద‌రినే సైకో కిల్ల‌ర్ అంటూ ఓ వార్త‌ని నెటిజ‌న్ నెట్టింట వైర‌ల్ చేస్తున్నాడు.

ఇది హీరో అడివి శేష్ కంట‌ప‌డింది. వెంట‌నే దీనికి త‌న‌దైన స్టైల్లో అడివి శేష్ కౌంట‌ర్ ఇచ్చాడు. ఇంత‌కీ నెటిజ‌న్ ఏమ‌ని ప్ర‌చారం చేస్తున్నాడంటే..గైస్ సినిమాలో హీరోయిన్‌ మీనాక్షీ చౌద‌రినే విల‌న్ అంటా. మా ఫ్రెండ్ ఒక‌రు సినిమాలో న‌టించిన పోలీస్ కానిస్టేబుల్స్ లో ఒక‌రుగా న‌టించాడు. నేను చెప్పిందే స‌త్యం.. నిజం హీరోయినే ఇందులో బ్ల‌డీ సైకో' అంటూ కొంత మందిని న‌మ్మించే ప్ర‌య‌త్నం చేయ‌డం మొద‌లు పెట్టాడు. దీనిపై స్పార్ట్ గా స్పందించిన అడివి శేష్ 'న‌న్ను న‌మ్మండి బ్రో.. ' అంటూ కౌంట‌ర్ వేశాడు.

ప్ర‌స్తుతం అడివి శేష్ కౌంట‌ర్ ఇచ్చిన పోస్ట్ నెట్టింట వైర‌ల్ గా మారింది. ఇదిలా వుంటే అడివి శేష్ గురించి ద‌ర్శ‌కుడు ఆస‌క్తిక‌ర‌మైన విష‌యాల్ని తాజాగా వెల్ల‌డించాడు. అడివి శేష్ ద‌ర్శ‌కుడిగా, క‌థ‌కుడిగా ఈ మ‌ధ్య వ‌రుస విజ‌యాల్ని సొంతం చేసుకుంటున్న విష‌యం తెలిసిందే. అయితే త‌ను 'హిట్ 2' కు ఏమైనా స‌ల‌హాలు, సూచ‌న‌లు చేశారా? అని ద‌ర్శ‌కుడు శైలేష్ కొల‌ను ని అడిగితే .. క‌థ త‌న‌కు బాగా న‌చ్చింద‌ని, స్టోరీ విన్న త‌రువాత ఎలాంటి సూచ‌న‌లు చేయ‌లేద‌ని క్లారిటీ ఇవ్వ‌డం గ‌మ‌నార్హం.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.