వావ్ టీఎస్ ఆర్.. అందాల తారతో డ్యాన్స్

టీ సుబ్బిరామి రెడ్డి ఎంపీ మాత్రమే కాదు.. పెద్ద ఇండస్ట్రియలిస్ట్ కూడా. అంతే కాదు.. సినిమా రంగంతో విడదీయలేని అనుబంధం ఈయనకు ఉంది. బడా బడా ఫంక్షన్స్ ను ఆర్గనైజ్ చేయడం.. దిగ్గజాలను గౌరవించడం లాంటివి ఈయన ఆధ్వర్యంలో చాలానే జరుగుతాయి. తాజాగా చిరంజీవి.. బాలకృష్ణలకు సన్మానం.. అంతకు ముందు ఎంబీ40 అంటూ మోహన్ బాబు కోసం ఫంక్షన్ లాంటివి చాలానే చేస్తూ ఉంటారీయన.

రీసెంట్ గా టీఎస్ ఆర్ మనవడు కేశవ్ పెళ్లి.. రిసెప్షన్.. సంగీత్ అంగరంగవైభవంగా జరిగాయి. టాలీవుడ్ తో పాటు పాటు.. బాలీవుడ్ తారలు కూడా బోలెడు మంతి తరలివచ్చారు. తను డ్యాన్స్ చేస్తూ.. ప్రతీ ఒక్కరితోనూ డ్యాన్స్ వేయించారు సుబ్బిరామిరెడ్డి. 50+లో ఉన్న మాజీ అందాల తార శ్రీదేవి కూడా కాలు కదిపిందంటే.. టీఎస్ ఆర్ ఎంతటి ఆప్తుడో అర్ధమవుతుంది. ఎనర్జీకి మారుపేరుగా ఉండే రణవీర్ సింగ్ తను డ్యాన్స్ చేస్తూ.. శ్రీదేవిని కూడా ఫ్లోర్ మీదకు తీసుకురావడం.. సుబ్బిరామిరెడ్డి చేయి పట్టుకుని శ్రీదేవి డ్యాన్స్ వేయడం చూసి.. అందరూ షాక్ తినేశారు.

కొంచెం సిగ్గు పడ్డా.. స్టెప్పులు మాత్రం సూపర్బ్ గా వేసింది ఈ అతిలోక సుందరి. దీనికి జగదేకవీరుడు అయిన మెగాస్టార్ చిరంజీవితో కలిసి అమ్మడు లెట్స్ డూ కుమ్ముడు పాటకు టి సుబ్బిరామి రెడ్డి డ్యాన్స్ వేసిన విషయం తెలుసు కదా. ఇప్పుడు అతిలోక సుందరితో కూడా డ్యాన్స్ చేసేయడం విశేషం.




Like Us on Facebook : https://www.facebook.com/Tupakidotcom/