రెహమాన్ కోసం దేవుళ్లే రీట్వీట్ చేయాలి

బాలీవుడ్ లో అత్యంత భారీ బడ్జెట్ తో రూపొందుతున్ మోస్ట్ అవైటెడ్ మూవీ మొహెంజొదారో ప్రభంజనాలు మొదలయ్యాయి. టీజర్ తోనే షాక్ ఇచ్చిన ఈ సినిమాకి సంబంధించి.. ఇప్పుడు మొదటి పాటను విడుదల చేశారు. ఏఆర్ రెహమాన్ సంగీతం అందించగా.. ఇప్పుడు రిలీజ్ అయిన 'తూ హై' పాటను రెహమాన్ స్వయంగా పాడాడు. లీడ్ కేరక్టర్స్ అయిన హృతిక్ రోషన్.. పూజా హెగ్డేలపై ఈ పాటను చిత్రీకరించగా.. ప్రతీ ఫ్రేమ్ అద్భుతంగా ఆకట్టుకుంటుంది.

'తూ హై' పాట విజువల్ గా ఎంత గ్రాండ్ గా ఉందో.. ఆడియో కూడా అంతకుమించి వినసొంపుగా ఉంది. వైట్ థీమ్ తో రూపొందించన పాటలో.. హృతిక్ కంటే పూజా హెగ్డేనే ప్రత్యేక ఆకర్షణ అని ఒప్పుకోవాల్సిందే. అలాగే లిరిక్ కూడా ఎంతో అద్భుతంగా ఉండగా.. రెహమాన్ అద్భుతమైన బాణీ అందించాడు. ఈ పాట గురించి వర్ణిస్తూ హృతిక్ రోషన్ చేసిన ట్వీట్స్ అందరినీ ఆకట్టుకుంటున్నాయి. 'ఇంతకంటే ఓ పాట షూటింగ్ ను నేను వేరే ఏదీ ఎంజాయ్ చేయలేను. స్వచ్ఛమైన ప్రేమ మరియు ఆనందంతో ఈ పాట నిండిపోయింది' అంటూ ట్వీట్ చేసిన హృతిక్.. తర్వాతి ట్వీట్లలో రెహమాన్ ని ఆకాశానికి ఎత్తేశాడు.

'ఒక వేళ స్వర్గంలో దేవుళ్లకు కనుక ట్విట్టర్ ఉంటే.. రెహామాన్ వాయిస్ కోసం వాళ్లు రీట్వీట్స్ పెట్టాల్సిందే' అంటూ రెహమాన్ ని ఓ రేంజ్ లో పొగిడిన హృతిక్.. పనిలో పనిగా హీరోయిన్ కోసం ఓ ట్వీట్ పెట్టాడు. 'ఈ పాటలో పూజా హెగ్డేని చూసి కళ్లు తిప్పుకోలేకపోతున్నా సరే.. మీరు ఇంకా మీరు అసలైనవి ఏమీ చూడనట్టే. ఒట్టు' అంటున్నాడు హృతిక్ రోషన్.