ట్యూబ్ లైట్ వెలుగులు సగమే

సల్మాన్ ఖాన్ మూవీ అంటే సినిమా జనాల్లో ఫుల్ క్రేజ్ ఉంటుంది. థియేటర్ల జనాలు కూడా సల్లూ భాయ్ మూవీ కోసం ఆత్రంగా ఎదురుచూస్తుంటారు. కొన్ని వారాల పాటు ఆడియన్స్ ను ప్రేక్షకులకు రప్పించగల సామర్ధ్యం ఉండడమే ఇందుకు కారణం. సల్లూ భాయ్ లేటెస్ట్ మూవీ ట్యూబ్ లైట్ పై కూడా ఇలాంటి ఆశలే పెట్టుకున్నారంతా.

అంతే కాదు.. రీసెంట్ గా సంచలనం సృష్టించిన బాహుబలి2 రికార్డులను కొట్టేయాలని కూడా కోరుకున్నారు. అయితే.. ట్యూబ్ లైన్ ఆ స్థాయికి కాదు కదా.. కనీసం దరిదాపుల్లోకి కూడా చేరలేకపోవడం ఆశ్చర్యకరం. అసలు ఏ మాత్రం పోటీ లేకుండా విడుదలైన ఈ మూవీ.. తొలి రోజున 20.5 కోట్లను మాత్రమే వసూలు చేయగలిగింది. హృతిక్ రోషన్ కాబిల్ తో పోటీగా విడుదల అయిన షారూక్ ఖాన్ మూవీ రయీస్ కు కూడా ఇదే స్థాయి కలెక్షన్స్ వచ్చాయనే సంగతి గుర్తు చేసుకోవాలి.

ఇక బాహుబలితో పోల్చుదామంటే.. బాహుబలి ది కంక్లూజన్ హిందీ వెర్షన్ కు మాత్రమే మొదటి రోజున 41 కోట్ల రూపాయల వసూళ్లు వచ్చాయి. అందులో దాదాపు సగం వసూళ్లనే ట్యూబ్ లైట్ రాబట్టగలిగింది. రంజాన్ సెలవలు చూసుకునే రిలీజ్ చేసినా ట్యూబ్ లైట్ ఆకట్టుకోలేకపోయింది. ప్రస్తుతం వినిపిస్తున్న టాక్ ప్రకారం అయితే.. రీసెంట్ టైంలో సల్మాన్ సినిమాల్లో అతి తక్కువ వసూళ్లు ట్యూబ్ లైట్ కే వచ్చే ఛాన్సులున్నాయి.


Like Us on Facebook : https://www.facebook.com/Tupakidotcom/