నేహ మళ్లీ ట్వీట్‌ తో కొట్టింది

కాంట్రవర్సీ... సినిమాలు తగ్గినా, క్రేజ్ డౌన్ అయినా... హీరోయిన్లకు ఇదో ఆయుధం. నలుగురి నోళ్లలో నానేందుకు ఈ చిన్న విషయాన్ని కూడా వదిలిపెట్టడం లేదు. మొన్నటికి మొన్న ఏకంగా ప్రధానికే కౌంటర్లు వేసింది. సెల్ఫీలు దిగడం, మాతో యోగా చేయిస్తే గుడ్ గవర్నెన్స్ అయిపోదు.. కాస్త రోడ్ల సంగతి కూడా చూడాలి అంటూ... నేహ ట్వీటేసింది. దీనికి విపరీతమైన రెస్పాన్స్ వచ్చింది. ఓ వారం పాటు ఈ వార్తల్లోనూ, సోషల్ మీడియాలోనూ హాట్ టాపిక్ అయిపోయింది. అన్ని వైపుల నుంచి విమర్శలు వెల్లువెత్తాయి కూడా.

ఇప్పుడు మళ్లీ న్యూస్‌ లో నిలిచేందుకు నేహాధూపియాకి మరో ఛాన్స్ వచ్చింది. ఓ కంపెనీ వాళ్లు నేహధూపియా బరువు తగ్గడానికి కారణం మేమే అంటూ ట్వీట్ చేశారు. దానికి ఈ అమ్మడికి బాగా కోపం వచ్చింది. అసల లాంటి కంపెనీని, ప్రోడక్టులను నేనెప్పుడూ వినలేదు అంటూ కడిగిపారేసింది. కొంతమంది ఆ కంపెనీ పై దావా వేయమంటూ సలహా కూడా ఇచ్చారు. పర్లేదు... నేహాకు ఇంకో ఛాన్స్ వచ్చినట్లే. అయినా... హీరోయిన్ల స్టార్ డం ఉపయోగించుకోవాలి అనుకునేవారు చాలామందే ఉంటారు. ఫోటో పెట్టుకున్నవాళ్లు, పేరు వాడుకున్న వాళ్లందరిపైనా కస్సు బుస్సు మనడం, కేసులేయడం కష్టమేమో నేహా. కాస్త ఆలోచించు.