పిక్ టాక్ : ఇరవై ఏళ్లు అయినా కూడా ఇంకా అదే అందం

సినిమా ఇండస్ట్రీలో హీరోలు ఎక్కువ కాలం కొనసాగగలరు.. కానీ హీరోయిన్స్ తక్కువ కాలానికే బోర్ కొడతారు.. వయసు ప్రభావం తో అందం తగ్గిపోతుంది. అందుకే చాలా మంది హీరోయిన్స్ వస్తూనే ఉంటారు.. పోతూ ఉంటారు. అయితే కొందరు హీరోయిన్స్ మాత్రం వయసు తో సంబంధం లేకుండా అందంగా కనిపిస్తూ ఉంటారు.

సినిమా ఇండస్ట్రీలో త్రిష అడుగు పెట్టి రెండు దశాబ్దాలు అవుతోంది. ఆమె వయసు నాలుగు పదులకు చేరువ అయ్యింది. అయినా కూడా ఆమె అందం ఏమాత్రం తగ్గలేదు. తాజాగా ఇన్‌ స్టా లో షేర్ చేసిన ఈ ఫొటోలు ఆమె అందం ఏమాత్రం తగ్గలేదు అంటూ చెప్పకనే చెబుతుంది. అందమైన త్రిష ను చూస్తే ముచ్చటేస్తుంది.

ఇంకా యంగ్‌ స్టార్‌ హీరోలకు జోడీగా నటించగల సత్తా ఉన్న నటి.. ఆ స్థాయి అందం ఉన్న హీరోయిన్ అనడంలో ఎలాంటి సందేహం లేదు. ఈ ఫొటోలను చూస్తూ ఉంటే త్రిష ఇండస్ట్రీలో అడుగు పెట్టి 20 ఏళ్లు అయ్యిందా... ఆమె వయసు నాలుగు పదులకు చేరువ అయ్యిందా అనే అనుమానం కలుగక మానదు.

వైట్‌ డ్రెస్ లో ఏంజిల్ ను తలపిస్తూ పాలరాతి శిల్పం అన్నట్లుగా మెరుస్తున్న త్రిష మరో పదేళ్ల వరకు ఇంతే అందంగా ఉంటుందని ఆమె అభిమానులు కామెంట్స్ చేస్తున్నారు. సోషల్‌ మీడియాలో త్రిష ఫొటోలు మరోసారి వైరల్‌ అవుతున్నాయి. త్రిష అంటే మరింత అభిమానం పెరుగుతుంది అంటూ ఈ ఫొటోలకు అభిమానులు కామెంట్స్ చేస్తున్నారు.

ఈ మధ్య కాలంలో త్రిష పూర్తిగా తమిళ సినిమాలకు పరిమితం అవుతున్నారు. పొన్నియన్‌ సెల్వన్‌ పార్ట్‌ 1 తో ప్రేక్షకుల ముందుకు వచ్చిన త్రిష మరో రెండు మూడు తమిళ సినిమాలతో వచ్చే ఏడాది ప్రేక్షకుల ముందుకు రాబోతున్నారు. త్రిషకు ఉన్న క్రేజ్ తో ఆమె నటించిన ప్రతి తమిళ సినిమా తెలుగు లో డబ్‌ అవుతూనే ఉంది. తెలుగు లో ఈ అమ్మడు నటించాలని అభిమానులు కోరుకుంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.