నెమలి సెక్స్ పై హీరోయిన్ల రియాక్షన్

రాజస్థాన్ హైకోర్టు రిటైర్డ్ జడ్జ్ మహేష్ చంద్ర శర్మ చేసిన నెమలి లైంగిక జీవితం కామెంట్స్ ఇప్పుడు దేశవ్యాప్తంగా చర్చకు తెరదీశాయి. మగ నెమలి జీవిత కాలం బ్రహ్మచర్యం చేస్తుందని.. మగ నెమలి కంటి నుంచి వచ్చే నీళ్లు తాగి.. ఆడ నెమలి గర్భం దాల్చుతుందని ఆయన అన్నారు. అందుకే శ్రీకృష్ణుడు అందుకే నెమలి పింఛాన్ని తలపై ధరించాడన్నది ఆయన చెప్పిన మాట.

సెక్స్ చేయడం సరి కాదు అన్నట్లుగా ఉన్న ఈ వ్యాఖ్యలకు సోషల్ మీడియా నుంచి రకరకాల కామెంట్స్ వస్తున్నాయి. బాలీవుడ్ హీరోయిన్స్ అయితే.. విచిత్రంగా రియాక్ట్ అయ్యారు. దాదాపుగా దెప్పిపొడిచేశారు. 'నాకు ఇప్పుడు ఇంటి మీద బెంగ పెరిగిపోయింది. నెమళ్లు ఎందుకు సెక్స్ చేసుకోవంటే.. అడివిలో ఎక్కువ డ్యాన్స్ చేస్తూ ఉండుంటాయ్.. ఎవరు చూడొచ్చారు. అయినా సరే మంచి ఫన్ మిస్ అవుతున్నా' అంటూ ట్వీట్ చేసింది అక్షయ్ కుమార్ భార్య కం మాజీ హీరోయిన్ ట్వింకిల్ ఖన్నా. 'నేను ఇప్పుడు కాసిన్ని కన్నీళ్లు తాగుదామని చూస్తున్నా' అని ట్వీట్ పెట్టింది శృతి సేథ్.

ఇక ముద్దుగుమ్మ సోనాక్షి సిన్హా అయితే.. 'నెమళ్లు సెక్స్ చేయవని కొందరు చెబుతున్నారు. అవి కన్నీళ్లు మాత్రమే తాగి పిల్లలను కంటాని అంటున్నారు. వావ్.. మతి పోతోందిగా.. మెల్లగా చప్పట్లు కొట్టండి' అంటూ వెక్కిరించింది. మొత్తానికి ఈ పీకాక్ సెక్స్ కాన్సెప్ట్ మాత్రం ఇప్పుడు హాట్ టాపిక్ అయిపోయింది.

Like Us on Facebook : https://www.facebook.com/Tupakidotcom/