పాత హీరోయిన్.. మూడో పుస్తకం

బాలీవుడ్లో ఒకనాటి అందాల తార ట్వింకల్ ఖన్నా ఇప్పుడు రచయతగా మారి అందరినీ ఆశ్చర్యపరిచింది. ఒక హీరోయిన్ రైటర్ కాలేదా ఏంటి అని కాదు కాని కాకపోతే ఆమె సినిమాలలో ఆమె నటనకు ఎప్పుడూ గుర్తింపు రాలేదు. ఆమె చేసిన సినిమాలు కూడా ఏవి హిట్ కాకపోవడంతో ఆమెని ఎవరు అంతా సీరియస్ గా తీసుకోలేదు. ఒక సూపర్ స్టార్ మరో అందాల తార కూతురుగా వచ్చి కొన్ని సినిమాలు చేసి చివరికి మరో స్టార్ హీరోని పెళ్లి చేసుకొని ఏదో చిన్న వ్యాపారం చేసుకుంటుంది అని అందరూ అనుకున్న సమయంలో ఇలా తన అనుభవాలు అన్ని కలిపి పుస్తకాలు రూపంలో రాసేయడం అందరిని ఒక షాక్కి గురి చేసింది ట్వింకిల్ ఖన్నా.

కొద్ది రోజుల కిందట మిసెస్ ఫన్నీ బోన్స్ సిరీస్ లో వచ్చిన మొదటి పుస్తకం రెండో పుస్తకం మంచి స్పందన వచ్చింది. ది లెజండ్ ఆఫ్ లక్ష్మి ప్రసాద్ అనే చిన్న కథల సిరీస్ కూడా మంచి పాపులర్ కావడంతో ట్వింకల్ ఖన్నా తన మూడో పుస్తకం రాయడంలో బిజీ అయ్యింది దానికి ఇప్పటి నుండే ప్రచారం చేయడం మొదలుపెట్టారు బిజినెస్ డెవలప్మెంట్ ఆఫీసర్ అనిష్ చండీ. జూగ్గెర్నట్ బుక్ ఏజెన్సీ వాళ్ళు మాట్లాడుతూ “ట్వింకల్ ఖన్నా ఇప్పుడు తన మూడో పుస్తకం పూర్తి చేసే దశలో ఉన్నారు. తన మొదటి రెండు పుస్తకాలు మాదిరిగానే ఈ పుస్తకం కూడా సరదాగా ఉంటూనే మన జీవితం ఎంత తీయ్యనిదో చెబుతుంది. ఇప్పటికీ ఇంత కన్న ఎక్కువ చెప్పడం సరికాదు ఎందుకంటే ఈ బుక్ నవంబర్ లో విడుదల చేయడానికి ప్రయత్నాలు చేస్తున్నాం'' అంటున్నారు.

రాజేశ్ ఖన్నా, డింపుల్ కపాడియా కూతురు ట్వింకల్ ఖన్నా బాలీవుడ్ హీరో అక్షయ్ కుమార్ ని పెళ్లి చేసుకొని ఇప్పుడు రచయత గా మారి తను సొంతంగా ఒక ఇంటీరియర్ డిజైన్ కంపెనీ కూడా నడుపుతోంది. అప్పుడప్పుడూ పేపర్లో కూడా కాలమ్న్స్ కూడా రాస్తుంది. ఈమె రాస్తున్న మూడో పుస్తకం కోసం అప్పుడే ఫ్యాన్స్ వెయిటింగ్ తెలుసా!!