వెబ్ సిరీస్‌ తో రూమ‌ర్‌ ల‌కు చై- సామ్ చెక్‌

అక్కినేని నాగ‌చైత‌న్య‌, స‌మంతా ఏడేళ్ల ప్రేమాయ‌ణం త‌రువాత వివాహం చేసుకున్న విష‌యం తెలిసిందే. హ్యాపీయెస్ట్ క‌పుల్‌ గా ఇండ‌స్ట్రీలో పేరు తెచ్చుకున్న ఈ జోడీ పెళ్లి త‌రువాత కూడా క‌లిసి న‌టించారు కూడా. పెళ్లి త‌రువాత వీరిద్ద‌రి క‌ల‌యిక‌లో వ‌చ్చిన `మ‌జిలీ` మంచి విజ‌యాన్ని సాధించి మ‌రోసారి ఈ జంట మ్యాజిక్‌ ని నిరూపించింది. అయితే గ‌త కొన్ని రోజులుగా వీరిద్ద‌రి మ‌ధ్య దూరం పెరిగింద‌ని, ..ఇద్ద‌రూ విడిపోతున్నారంటూ వ‌రుస క‌థ‌నాలు వినిపిస్తున్నాయి.

ట్విట్ట‌ర్ పేజీలో అక్కినేని స‌మంత పేరుని కాస్తా సామ్ మార్చి ఓన్లీ `S` అనే అక్ష‌రాన్ని వుంచ‌డం.. త‌మ‌పై వ‌స్తున్న రూమ‌ర్ ‌ల‌పై ఇద్ద‌రూ స్పందించ‌క‌పోవ‌డం... ఇటీవ‌ల తిరుప‌తికి ఒంట‌రిగా వెళ్లి స్వామివారిని ద‌ర్శించుకోవ‌డంతో సామ్‌, .. చైతూ విడిపోతున్నార‌నే రూమ‌ర్‌ ల‌కు ఆజ్యం పోసింది. అంతే కాకుండా `ల‌వ్‌స్టోరీ` ప్ర‌మోష‌న్‌ లో భాగంగా ప‌లు వార్తా సంస్థ‌ల‌కు ఇంట‌ర్వ్యూలు ఇస్తున్న నాగ‌చైత‌న్య ముందే డైవ‌ర్స్ లాంటి రూమ‌ర్ ‌ల గురించి త‌న‌ని ప్ర‌శ్నించొద్ద‌ని ఆంక్ష‌లు విధించ‌డం..

ఇటీవ‌ల తిరుప‌తికి ఒంట‌రిగా వెళ్లిన స‌మంత త‌న‌పై వ‌స్తున్న రూమ‌ర్‌ ల గురించి ప్ర‌శ్నించిన రిపోర్ట‌ర్‌ ని గుడికి వ‌చ్చి బుద్ది వుందా..? అని చీవాట్లు పెట్ట‌డంతో కొత్త అనుమానాలు మొద‌ల‌య్యాయి. అయితే తాజా స‌మాచారం ప్ర‌కారం సామ్‌,.. చైతూ మాట‌ల‌తో కాకుండా చేత‌ల‌తో రూమ‌ర్‌ ల‌కు చెక్ పెట్ట‌బోతున్నార‌ట‌. త్వ‌ర‌లో ఇద్ద‌రు క‌లిసి పాన్ ఇండియా స్థాయిలో రూపొంద‌నున్న ఓ వెబ్ సిరీస్‌ లో న‌టించ‌బోతున్నార‌ట‌. ఈ క్రేజీ వెబ్ సిరీస్‌ ని ప్ర‌ముఖ ఓటీటీ దిగ్గ‌జం నెట్‌ప్లిక్స్‌నిర్మించ‌బోతున్న‌ట్టు వార్త‌లు వినిపిస్తున్నాయి.

నాగ‌చైత‌న్య ప్ర‌స్తుతం త‌ను న‌టించిన `ల‌వ్‌ స్టోరీ` రిలీజ్ ద‌గ్గ‌ర ప‌డుతుండ‌టంతో ఈ మూవీ ప్ర‌మోష‌న‌ల్ ప‌నుల్లో బిజీగా గ‌డిపేస్తున్నారు. తెలంగాణ యాస‌లో చైత‌న్య తొలిసారి న‌టించిన ఈ చిత్రంపై భారీ అంచ‌నాలే పెట్టుకున్నాడ‌ట‌. ఈ ఆదివారం ఈ చిత్రానికి సంబంధించిన ప్రీ రిలీజ్ ఈవెంట్ హైద‌రాబాద్ ‌లో జ‌రుగుతోంది. ఈ కార్య‌క్ర‌మానికి ప్ర‌ముఖ బాలీవుడ్ మిస్ట‌ర్ ప‌ర్ఫెక్ట్ అమీర్ ‌ఖాన్, టాలీవుడ్ మెగాస్టార్ చిరంజీవి ముఖ్య అతిధులుగా హాజ‌ర‌వుతున్నారు.