కింగ్‌ పుట్టిన రోజుకు రెండు కానుకలు

సెంటిమెంటు పరిశ్రమలో పుట్టినరోజులకు ఓ ప్రత్యేకత ఉంది. ముఖ్యంగా తండ్రుల పుట్టినరోజులకు కొడుకులు నటించే సినిమా టీజర్‌ లు, పాటలు రిలీజ్‌ అవ్వడం అనే సాంప్రదాయం టాలీవుడ్‌లో ఎప్పట్నుంచో ఉంది. సూపర్‌ స్టార్‌ కృష్ణ పుట్టినరోజుకు మహేష్‌ సినిమా ఫస్ట్‌ లుక్‌ లేదా టీజర్‌ రిలీజ్‌ చేయడం అనాదిగా జరుగుతున్నదే. అలాగే మెగాస్టార్‌ చిరంజీవి పుట్టిన రోజున చరణ్‌ ఏదో ఒక అప్‌ డేట్‌ చెబుతూనే ఉన్నాడు. అలాగే ఇప్పుడు కింగ్‌ నాగార్జున పుట్టిన రోజున కొడుకులిద్దరూ ఒకే వేదికపై కన్నుల పండువ చేయబోతున్నారు.

ఈనెల 29న నాగార్జున పుట్టినరోజు వేడుకల్లో చైతన్య నటిస్తున్న సినిమా టైటిల్‌ సహా ఫస్ట్‌ లుక్‌ ని ఆవిష్కరించనున్నారు. అలాగే అఖిల్‌ సినిమా టైటిల్‌, ట్రైలర్‌ ని కూడా అదే రోజు రిలీజ్‌ చేస్తారని తెలుస్తోంది. నాగచైతన్య హీరోగా గౌతమ్‌ మీనన్‌ దర్శకత్వంలో ఓ రొమాంటిక్‌ యాక్షన్‌ ఎంటర్‌ టైనర్‌ తెరకెక్కుతోంది. ఈ సినిమా టైటిల్‌ సహా ట్రైలర్‌ ఎప్పుడొస్తుందా? అన్న ఆసక్తి అక్కినేని అభిమానుల్లో ఉంది. అలాగే స్మార్ట్‌ హీరో అఖిల్‌ ఫీట్లు ఎలా ఉంటాయో చూడలన్న ఆత్రుత అభిమానుల్లో ఉంది. కాబట్టి అన్నిటికీ వేదిక ఆగస్టు 29 కింగ్‌ పుట్టినరోజు వేడుక.