జ‌న‌సేనాని అభిమానుల‌కు ఇది అతి పెద్ద‌ గుడ్ న్యూస్!

న‌ట‌సింహ బాల‌కృష్ణ‌ అన్ స్టాప‌బుల్ -2 మోతెక్కిపోతున్న సంగ‌తి తెలిసిందే. రెండ‌వ సీజ‌న్ ఏకంగా వియ్యంకుడితోనే లాంచ్ చేసి సంచ‌ల‌నం రేపారు. అటుపై ఒక్కో గెస్ట్ రేంజ్ అంత‌కంత‌కు పెరుగుతుందే? త‌ప్ప త‌గ్గిన దాఖ‌లాలేవు. టాలీవుడ్ బిగ్ స్టార్లు అంద‌ర్నీ ఒక్కోక్క‌రిగా రంగంలోకి దించుతున్నారు. మ‌ధ్య మ‌ధ్య‌లో రాజ‌కీయ నాయ‌కుల్ని తెరపైకి తీస్తూ షో కి రెండు ర‌కాల హీట్ని అందిస్తున్నారు.

మ‌రి ఈ ఐడియా ఎవ‌ర‌ద‌న్న‌ది తెలియ‌దుగానీ బాగానే వ‌ర్కౌట్ అవుతుంది. ఇటీవ‌లే పాన్ ఇండియా స్టార్ ప్ర‌భాస్ సైతం అన్ స్టాప‌బుల్ -2 కి గెస్ట్ గా వ‌చ్చిన సంగ‌తి తెలిసిందే. పాన్ ఇండియా స్టార్ అయిన త‌ర్వాత ఆయ‌న పాల్గొన్న మొట్ట మొద‌టి టెలివిజ‌న్ షో ఇది. ఇప్ప‌టికే డార్లింగ్ హెయిర్ స్టైల్ పై నెట్టింట ఓ రేంజ్ లో చ‌ర్చ‌సాగింది. షోని త‌న హెయిర్ స్టైల్ తోనే స‌గం సక్సెస్ చేసేసారు.

మ‌రి తదుప‌రి ఎపిసోడ్ ఇంత‌కు మించి బ్లాస్ట్ అయ్యేలా ప్లాన్ చేసారా? అలాగే అనిపిస్తుంది. ఈసారి ఏకంగా ప‌వ‌ర్ స్టార్ ..జ‌న‌సేన పార్టీ అధినేత ప‌వ‌న్ క‌ళ్యాణ్ నే రంగంలోకి దించేస్తున్న‌ట్లు అధికారికంగా ప్ర‌క‌టించారు. ఈ సాలిడ్ ఎపిసోడ్ కి షూట్ డేట్ కూడా ఫిక్సైంది. డిసెంబ‌ర్ 27న షూటింగ్ నిర్వ‌హిస్తున్న‌ట్లుగా తెలుస్తోంది. ఇదే విష‌యాన్ని నిర్మాత సూర్య‌దేవ‌ర నాగ‌వంశీ కూడా క‌న్ప‌మ్ చేసారు.

ఈ క‌ల‌యిక కోసం ప్రేక్షకాభిమానులు ఎప్ప‌టి నుంచో వెయిట్ చేస్తున్నారు. ఇప్ప‌టికి ఆ వెయిటింగ్ కి తెర‌ప‌డింది. వాస్త‌వానికి సీజ‌న్ -2 పీకేతో నే లాంచ్ చేయాల‌ని ప్లాన్ చేసారు. కానీ ఆయ‌న బిజీ షెడ్యూల్ కార‌ణంగా వీలు ప‌డ‌లేదు. ఇదే విష‌యాన్ని ప‌రోక్షంగా బాల‌య్య రివీల్ చేసారు. మాటల సంద‌ర్భంలో మాట‌ల మాత్రికుడు త్రివిక్ర‌మ్ తోనూ అన్నారు. మీరు ఇక్క‌డికి రావాల్సి వ‌స్తే ఎవ‌రితో రావాలో..తెలుసుగా అంటూ పీకే పేరుని ఉద్దేశించారు.

తాజాగా ప‌వ‌న్ ఎంట్రీతో అన్ స్టాప‌బుల్ మ‌రింత వైర‌ల్ అవ్వ‌డానికి ఛాన్స్ ఉంది. ఈ షోలో బాల‌య్య చాలా ఆస‌క్తిక‌ర విష‌యాలు చ‌ర్చించే అవ‌కాశం ఉంది. అస‌లే బాల‌య్య ఫుల్ ఫామ్ లో ఉన్నారు. సినిమా విష‌యాలు క‌న్నా రాజ‌కీయంగానే ఎక్కువ‌గా ప్ర‌శ్న‌లు సంధించే అవ‌కాశం ఉంది. బీ అలెర్ట్ జ‌న‌సైనిక్స్.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.