#AA19 లో ఆ ఇద్దరు హీరోలు ఉన్నారోచ్!

ఎంతోకాలంగా ఎదురుచూస్తున్న స్టైలిష్ స్టార్ అల్లు అర్జున్ కొత్త సినిమా ఈరోజే లాంచ్ అయింది. త్రివిక్రమ్ దర్శకత్వంలో తెరకెక్కుతున్న ఈ సినిమాను అల్లు అరవింద్ -ఎస్. రాధాకృష్ణ సంయుక్తంగా నిర్మిస్తున్నారు. ప్రతి సినిమాలాగే ఈ సినిమాలో కూడా త్రివిక్రమ్ భారీ తారాగణమే ఉండేలా చూసుకున్నాడట.

సునీల్.. రావు రమేష్..రాజేంద్ర ప్రసాద్.. రాహుల్ రామకృష్ణ ఈ సినిమాలో కీలకపాత్రలలో నటిస్తున్నారు. సీనియర్ హీరోయిన్ టబు ఈ సినిమాలో అల్లు అర్జున్ తల్లిపాత్రలో నటిస్తోంది. ఇక వీరితో పాటుగా ఇద్దరు చిన్న హీరోలు కూడా ఈ సినిమాలో కీలకపాత్రలలో నటిస్తున్నారట. వారిలో అక్కినేని ఫ్యామిలీ హీరో సుశాంత్ ఒకరు కాగా నవదీప్ మరొకరు. సుశాంత్ ఇంతవరకూ హీరోగా చేసిందే కానీ ఎప్పుడు ఇలా క్యారెక్టర్లు చేయలేదు. తన కెరీర్లో ఇదే మొదటిసారి. ఈ సినిమాలో సుశాంత్ ఒక 'పప్పు' పాత్రలో నటిస్తాడని అంటున్నారు. పప్పు అనగానే మీరు ఏవేవో అలోచించి అమరావతి.. ఢిల్లీలకు వెళ్ళకండి. ఇది త్రివిక్రమ్ బ్రాండ్ పప్పు!

ఇదిలా ఉంటే నవదీప్ కు ఇలా క్యారెక్టర్ రోల్స్ చేయడం కొత్తేమీ కాదు. అల్లు అర్జున్ 'ఆర్య 2' లో నవదీప్ ఒక కీలకపాత్రలో నటించాడు. కానీ త్రివిక్రమ్ దర్శకత్వంలో నటించడం మొదటి సారి. మరి ఈ సినిమాలో నవదీప్ కు గురూజి ఎలాంటి పాత్రను డిజైన్ చేశాడో ఇంకా తెలియదు. ఏదైతేనేం.. ఈ తారాగణంతో #AA19 కళకళలాడుతుందనడంలో సందేహం లేదు.